La Muria ye un lugar de la provincia de Uesca situau en la comarca de Ribagorza, en lo municipio de Bisagorri. En 1991 la suya población yera de 6 habitadors.
Toponimia En lo Fogache de 1495 amaneixe como La Murria.
Parla
La parla de La Muria fa part chunto con las parlas de Sant Feliu de Veri, Veri, Sant Martín de Veri, Buyelgas y Dos de la "zona C" de l'aragonés benasqués.
Adintro de las parlas de transición entre l'aragonés y lo catalán la "zona C" representa un grau mayor de coincidencia con lo catalán que las atras parlas de la Val de Benás. La menor frecuencia de diftongacions romances (la diftongación romanz distingue a l'aragonés de lo catalán), se manifiesta en un sufixo -ello en cuenta de lo sufixo -iello. Bi ha una mayor frecuencia de l'apocope de la vocal final y unas formas en la conchugación que mes pareixidas a lo catalán (faigo, diuen, veu, cau, viuen, pot, volé, etcetera); tamién bi ha diferencias lexicas.
Se veiga tamién Lista de municipios de Uesca.
Categoría:Lugars de Bisagorri Categoría:Despoblaus d'a provincia de Uesca Categoría:Localidaz d'a diocesi de Balbastro-Monzón en Ribagorza