Íxar (Híjar en castellano) ye una villa y municipio de la provincia de Teruel, capital de la comarca de lo Baixo Martín. La suya población ye de 1.949 habitants (2005), en una superficie de 165,4 km².
Cheografía La part viella ye situada en un pueyo que ye entre un barranco y la ribera de lo río Martín, pero lo lugar tamién ye estendillau por parte de la ribera de lo río. Lo lugar ye en la parte oriental d'un termin ye muito alargau en dirección nord-ueste-sud-este.
Mugas Lecera, Belchit, Binaceit, Almochuel La Puebla d'Íxar Sant Per de Calanda Albalat de l'Arcebispe, Urreya de Gayén 50px Alcanyiz Andorra
Historia La reconquiesta definitiva fue obra de Galín Ximénez, sinyor de Belchit en tiempos de Remón Berenguer IV.
En 1261 pasó a Ximeno d'Urreya por un pleito que i habió entre Ximeno y Donya Elvira de Luesia sobre la posesión y dreito de la metat de la villa y lo suyo castiello. En 1267 la filla de Don Ximeno cedió la metat de Íxar a Chaime I d'Aragón en pagas por la villa y castiello de Tierga.
En 1268 amanix la sinyoría d'Íxar cuan Chaime I atorga la metat d'Íxar y Urreya d'Íxar a lo suyo fillo borde Pero Ferrández en pagas por unas propiedaz que teneba en lo Reino de Valencia. Este fillo se convertió en lo primer sinyor d'Íxar y prenió como apelliu este toponimo: Pero Ferrández d'Íxar, encomenzando la Casa d'Íxar.
En 1280 se concede a Íxar lo dreito a celebrar ferias. Historia de Aragón, dirichita por Eloy Fernández Clemente, La Esfera de los Libros, Madrit, abril de 2008, 1ª edición, , pachina 248.
Luengas y parlas La luenga tradicional d'Íxar ye lo castellano d'Aragón, con substrato aragonés, perceptible sobre tot en la chent viella.
Lo lexico d'intrés etnografico d'Ixar se conoix relativament bien por figurar esta localidat en l'ALEANR, con la sigla Te 200. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3. Por atra part lo erudito local Mariano Laborda replegó muito lexico aragonés en lo segundo tomo de Recuerdos de Híjar.Mariano Laborda: Recuerdos de Híjar. 2. Editau por lo Centro de Iniciativas Turísticas del Cuadro Artístico de Híjar, 1993 Amés de muitos aragonesismos comuns con tota la val d'Ebro, y amés d'atros aragonesismos comuns con la comarca y las comarcas orientals de la provincia de Teruel (a sobén, chirigallo, charraire), bi ha aragonesismos no documentaus en atros lugars de la comarca: binardo, frajenco, falordia, malenco, alufrar, rebuscallo y sobater. Tamién bi ha presuntos catalanismos como alum y capel.
L'aragonés que se charraba antes de lo castellano de substrato aragonés actual yera prou vital pa que los sinyors d'Íxar y dimpués duques escribisen en romance ya en l'anyo 1300.
Toponimia La primera mención d'Íxar ye en 1179 cuan donoron Alcanyiz a la Orden de Calatrava:
left|thumb|225px|La torre de la ilesia de Santa María la Mayor d'Íxar. Lo suyo nombre ye de dificil interpretación. Agustín Ubieto Arteta rechistra as variants Yxar y Xyarc. Atros autors han documentau Izar que no ye problablement significativa en lo fonetico, porque Manuel Alvar explica que a vegadas s'emplegaba pa representar lo fonema fricativo xordo x u sh en textos latinos. La forma Izar en textos romances tardanos, como Pobla de Izar en lo Fogache de 1495, puet estar una prebatina d'adaptación a lo castellano escrito seguindo lo modelo de pex-pez, xata-azada, faxo-haz, ruxiar-rociar.
Son interesants os microtoponimos El Coscollar, Chumilla y el Ciparuelo. Bi ha carreras con nombre que pareix aragonés como La Boleta, La Cantonada, Plano Alto y Plano Bajo. Lo toponimo La Cultía, finca y antigo nuclio de población, ye interesant porque tamién se troba en la microtoponimia ribagorzana (en Lo Pont de Suert, Sas, Esperan, Erta, Peranera, Castellars) y provién de lo latín CULTIVA.
Lo sacerdot Mosen Domingo Gascón escribió los nombres de las partidas ixaranas en Miscelanea Turolense, 21 de lo 20 de marzo de 1897: Mariano Laborda: RECUERDOS DE HÍJAR. Editau por o Centro de Iniciativas Turísticas del Cuadro Artístico de Híjar, 1980 En la parte de lo secano a la dreita de lo Martín: Chumilla, Corral de la Loma, Balsa de Moso, Val de Arcos, Portoleses, Loma Alias, Hoya Sentida, Partidas del Salto, de la Pobleta, de la Manga, Mas del Mosquito, Mas de las Piletas, Albadales, Plano Millé, Valventana y Val de Alacón. En la parte de lo secano a la ezquierda de lo Martín, que en conchunto se denomina Campilseco (Campyseco en un texto de 1338-1343) Zabarda, Saladares, Justas, Luercos, Caseta de Laborda, Hoya del Ciego, Filada de Alcaine, Hoya de la Ginebrosa y Val de Espartera. Lo campilseco comprende lo Montecico y lo Monte de Santa Barbara: Lo Montecico ye formau por la partida d'ixe nombre, en la sierra de la Puebla entre La Puebla d'Íxar y Sant Per de Calanda y a lo norte de la partida de Campillos ya en la huerta. Lo Monte de Santa Barbara ye formau por las partidas de Sabinar y Cabezo del Pino y ye situau a lo sud de las zaicas de las Lianas, Lomas y Canalillas. Lo regano ye formau por las partidas de Peirones, Lianas, Campillos, Valdemuzas, Juncares, Canalillas, Faceras, Brazos, Rebelainas, Valtamarices, Vegatillas (a on ye l'actual IES "Laín Entralgo"), Riberos, Planas, Huertos Altos y Vegas.
Bi ha un acueducto conoixiu como acueducto de Valdestremera entre Íxar y La Puebla d'Íxar.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Popular 5 4 Partido de los Socialistas de Aragón 4 4 Partido Aragonés 1 Total 9 9 Alcaldes Lista d'alcaldes Lechislatura Nombre Partiu politico1979–1983 José María Turón Grao Treinta aniversario de las primeras elecciones municipales de la democracia. UCD 1983–1987José María Esponera Pascual PSOE1987–1991David Cidraque Bielsa Partido Popular1991–1995David Cidraque Bielsa Partido Popular1995–1999David Cidraque Bielsa Partido Popular1999–2001David Cidraque Bielsa Partido Popular2001-2003Luis Carlos Marquesán ForcénPartido Popular2003–2007 Luis Carlos Marquesán Forcén Partido Popular2007–2011 Luis Carlos Marquesán Forcén Partido Popular2011–2015 Luis Carlos Marquesán Forcén Partido Popular2015-2019Luis Carlos Marquesán ForcénPartido Popular2019-2023Luis Carlos Marquesán ForcénPartido Popular2023-2027Jesús Antonio Puyol Adell Consulta el listado de alcaldes que han sido proclamados en Aragón en Heraldo de AragónPartido Popular
Personalidaz naixidas d'Íxar Categoría principal: Naixius d'Íxar. Frai Cheronimo Batista de Lanuza, bispe. Martín Batista de Lanuza, churista y chusticia d'Aragón en 1601-1622. Mosen Blas Aínsa, escolapio, cosmografo, astronomo y naturalista. Florencio Jardiel y Dobato. Canonche de la Seu de Zaragoza. José Antonio Dosset Monzón, farmaceutico y naturalista. Mosen Pedro Dosset Monzón, qui introdució los tambors en la "Semana Santa Zaragozana". Francisco Peralta Ballabriga, bispe de Vitoria.
Molimentos Castiello d'Íxar, escachau.
Molimentos relichiosos right|thumb|250px|A ilesia de Santa María la Mayor d'Íxar. Bi heba muitas ilesias y ermitas, pero en la guerra civil i habió grans destruccions.
Ilesia de Santa María la Mayor, protechida legalment dende 2001 con a suya declaración como Bien d'Intrés Cultural. Texto en o BOA con a declaración de la ilesia de Santa María la Mayor d'Íxar como Bien d'Intrés Cultural. Ye d'estilo gotico-mudéchar de lo sieglo XIV, encara que fue muit esviellada en los sieglos XVI-XVIII en estilo renaixentista. Ilesia de Sant Blas, relacionada con lo ligallo de pastors. Ilesia de Santa Madalena, desapareixida. Ilesia de Sant Antón, considerada por bel erudito local l'antiga sinoga. En l'arcada d'una puerta huei cegada bi ha dos rosetas. Ilesia de Sant Valero, antigament "de la Santa Cruz". Ilesia de Nuestra Sinyora de los Ánchels, de lo convento de los flaires franciscanos. Ilesia de lo Santo Sepulcre, de lo sieglo XVII.
Fiestas Semana Santa. Tamborixar. Fiestas patronals, 19- 23 d'agosto, Virchen d'o Carmen y Virchen d'Arcos.
Veyer tamién Lista de municipios de Teruel.
Vinclos externos
Concello d'Íxar.
Referencias
Bibliografía Mariano Laborda: Recuerdos de Híjar. Editau por lo Centro de Iniciativas Turísticas del Cuadro Artístico de Híjar, 1980. Mariano Laborda: Recuerdos de Híjar 2. Editau por lo Centro de Iniciativas Turísticas del Cuadro Artístico de Híjar, 1993.
*