Castelló d'Empúries (Castelló d'Empúries en catalán y oficialment, Castellón de Ampurias en castellano) ye un municipio catalán situato en a comarca d'Alto Empordán y partiu chudicial de Figueras, en a provincia de Chirona.
A suya población ye de 12.220 habitants (2010), en una superficie de 42,29 km² con una densidat de población de 288,96 hab/km².
Castelló d'Empúries estió a capital historica d'o condau d'Ampurias (comtat d'Empúries en catalán). Hue, por a suya placha de gran longaria, ye un important destín turistico, y a suya población en os periodos vacacionals se dobla.
Cheografía Castelló d'Empúries ye situato a 17 metros d'altaria sobre o livel d'a mar, a una distancia de 16 km de Figueras, a capital d'a suya comarca y partiu chudicial, a 54 km de Chirona, a capital d'a suya provincia, y a 153 km de Barcelona, a capital de Catalunya.
D'o suyo termin municipal fa parte a urbanización d'Empuriabrava.
Historia A primera cita historica d'o lugar ye en 879, y en 1007 ya se documenta a suya ilesia. Sindembargo, Castelló d'Empúries ye a continuadora de l'antiga ciudat griega y dimpués romana d'Emporion/Ampuriae (hue en o termin municipal de L'Escala), que yera albandonata por estar a cantos d'a Mar Mediterrania y estar a sobén l'obchecto d'ataques piratas. En ixas envueltas, a ciudat yera no nomás a prencipal ciudat d'a comarca, sino tamién a capital d'o condau d'Ampurias y lugar de residencia d'o suyo conte.
Ya dende o sieglo IX bi ha documentos que indican a presencia en o lugar d'una comunidat chudieva, atro indicio d'a importancia d'a ciudat. Ista comunidat menguó a suya importancia dende o sieglo XIV.
Toponimia En o sieglo XV s'escribiba Castellon Ampuries en o peache de Monzón.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 CiU 1 6 5 7 4 3 5 6 PSC 7 5 4 2 1 - 3 3 Independients - - 2 - 4 8 - 3 ERC - - - - 2 1 3 3 PP - - - - - 1 2 2 CC-UCD 3 - - - - - - - CDS - - - 2 - - - - Total 11 11 11 11 11 13 13 17 Fuent: MUNICAT, en a pachina web d'a Generalitat de Catalunya.
Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 2007–2011 Salvi Güell i Bohigas Esquerra Republicana de Catalunya2023- Anna Massot Esquerra Republicana de Catalunya
Molimentos Ilesia de Santa María de Castelló d'Empúries, una ilesia d'os sieglos XIV-XV, d'estilo gotico, construita dencima de l'antigo edificio romanico. Ye adedicada a Santa María. Palacio d'os contes de Castelló d'Empúries.
Fiestas 10-15 d'agosto: Fiesta Mayor.
Localidaz achirmanatas 22px Enna (Rosellón). 22px Ettenheim (Alemanya). 22px Telica (Nicaragua).
Vinclos externos
Pachina web oficial municipal. Información en a pachina web d'a Generalitat de Catalunya. Información en a pachina web de l'Institut d'Estadística de Catalunya. A Farinera de Castelló d'Empúries en a web mnactec.
Categoría:Localidaz d'a provincia de Chirona Categoría:Localidaz portuarias de Catalunya