Urdués ye una villa aragonesa d'a comarca de Chacetania y provincia de Uesca, en l'actual termin municipal de Val d'Echo, a cantos d'un barranco afluent d'o río Aragón Subordán.
Dica 1971, cuan s'unió a Echo y Embún ta formar o municipio clamato Val d'Echo, estió un municipio independient.
Cheografía Urdués ye situato a 884 metros d'altaria sobre o livel d'a mar.
Etimolochía O suyo nombre ye uno d'os casos de terminación -ués en a toponimia aragonesa. Seguntes Manuel Benito Moliner, ye un caso d'un antroponimo latino, relacionato con un antigo propietario u poseyedor d'un fundus, clamato Urdo. Benito Moliner, Manuel: Pueblos del Alto Aragón: el origen de sus nombres (T-Z).
Historia A primera cita historica d'o lugar ye en 867, con o nombre d'Orduesi, por a donación feita por o conte d'Aragón Galindo I Aznárez d'o lugar a o monesterio de Sant Pero de Ciresa. Urdués, en a pachina web d'a Chacetania.
Molimentos Ilesia de Sant Martín de Tours d'Urdués, una ilesia adedicada a Sant Martín de Tours, que ye la ilesia parroquial d'o lugar. Parroquias del Arciprestazgo de Jaca-Berdún en o sitio web d'a Diocesi de Chaca. Ye un edificio d'o sieglo XII, encara que con muitas transformacions posteriors. Nomás o suyo abside ye d'estilo romanico. Fue restaurata en os anyos 1980 con un tellau en fusta. A suya talla provién de l'antigo despoblato de Catarecha.
Fiestas 15 d'agosto: Asumpción d'a Virchen. 11 de noviembre: Sant Martín, fiestas patronals.
Vinclos externos Urdués en www.Jaca.com. Urdués en RomanicoAragonés.com.
Referencias
Categoría:Lugars d'a provincia de Uesca Categoría:Localidaz d'Aragón con fiestas patronals ta l'Asumpción de Santa María Categoría:Lugars d'a Val d'Echo Categoría:Localidaz d'a diocesi de Chaca en a Chacetania