Adolphe Menjou (nombre artistico d'Adolphe Jean Menjou), naixito de Pittsburgh (Pennsilvania) o 18 de febrero de 1890 y muerto en Beverly Hills (California) o 29 d'octubre de 1963, estió un actor estausunidense, activo en o cine estausunidense dende mayetos d'os anyos 1910.
En a suya vasta filmografía (treballó en mas de 150 cintas) cal destacar-ne bellas cintas como A Gentleman of Paris (1927, Harry d'Abbadie d'Arrast), Morocco (1930, Josef von Sternberg), The Front Page (1931, Lewis Milestone), A Farewell to Arms (1932, Frank Borzage), Morning Glory (1933, Lowell Sherman), A Star Is Born (1937, William A. Wellman), State of the Union (1948, Frank Capra), Across the Wide Missouri (1951, William A. Wellman), u Paths of Glory (1957, Stanley Kubrick).
Biografía Naxiu d'a ciudat de Pittsburgh, en l'estau de Pennsilvania, en una familia de orichen francés o 18 de febrero de 1890, se formó en bellas Academias Militars, en estar o suyo deseyo d'esdevenir incheniero militar, continando a suya formación universitaria en a Universidat Cornell en Ithaca, en l'estau de Nueva York.
Tanimientres, en zagueras s'adedicó a lo mundo d'os escenarios, en primeras treballando en o vodevil, ta pasar-se dende meyaus d'os anyos 1910 enta lo mundo d'o cine, que alavez encara yera o cine mudo, con papels chicoz, no estando mai protagonista de garra cinta.
En 1917, cuan os Estaus Unius dentroron en a Primera Guerra Mundial fendo parte d'os Aliaus, Adolphe s'incorporó en l'Exercito estausunidense como oficial en o Cuerpo d'inchenieros militars. Ixo li comportó una gran facilidat ta fer en l'esdevenidero papels como militar u como aristocrata.
En a posguerra tenió una destacada carrera como actor, que no s'interrumpió en plegar o cine sonoro, a diferencia de muitos d'os suyos companyers, que no s'adaptoron bien en o nuevo medio. Pero en rematar a Segunda Guerra Mundial a suya carrera se resintió como consecuencia de que, por as suyas indeyas conservadoras (yera un cerenyo anticomunista) colaboró activament en la clamada cazata de bruixas organizada por o Comité d'Actividaz Antiamericanas impulsau por o senador Joseph McCarthy, estando asinas marchinau por o sector mas progresista d'o cine estausunidense, rematando asinas a suya carrera. En as suyas declaracions plegó a afirmar que calía portar a los comunistas enta los disiertos Texas ta que los amortasen os texanos, y acusó a bels actors de transmitir l'ideolochía comunista en a escena a traviés d'os suyos chestos u miradas. Encadenados, revista de cine. Stanley Kubrick li ufrió o papel d'o repelent mayor cheneral Georges Broulard en a cinta Paths of Glory en 1957 y posteriorment se diz que li heba produciu un gran placer dar-li iste papel a l'archireaccionario Adolphe Menjou. El amante.com, cine en televisión.
Premios En 1931 Adolphe Menjou fue nominato a o premio Oscar a o Millor Actor por o suyo papel en a cinta The Front Page, de Lewis Milestone. 4th Academy Awards (1932) en a pachina web de l'Academia d'as Artes y as Ciencias Cinematograficas de Hollywood.
En 1960, se li adhibió una estrela a lo Paseyo d'a Fama de Hollywood, estando a suya estrela situada en o 6826 de Hollywood Boulevard d'a ciudat de Los Angeles. Adolphe Menjou en Walk of Fame Stars.
Filmografía