thumb|right|300px|Chinchipera (Parus major) ChinchiperaCon a variant chinchimpera. u chinchipelaCon a variant chinchepela. son variants d'o nombre chenerico que s'emplegan cadaguna en diferents puestos de l'Alto Aragón ta decir-ne de tot un faixo d'especies de muixons (paseriformes) con caracteristicas alto u baixo similars, anque no necesariament tienen relacions filocheneticas d'entre ellas. Per l'usual, se i diz chinchipera a cualsiquier muixón de mida chicota (a redol d'os 15 cm de lonchitut), que vuele distancias curtas batendo rapedo las alas y deixando de bater-las a intervalos, que per tierra se i desplace fendo saltez, y cuan se posa en un palo u puesto en alto bata la coda periodicament. Solen estar especies omnivoras anque en a suya dieta i predominen os insectos, mas que no en altros tipos de muixons.
Os tres termins tienen probablement una radiz onomatopeyica en a canción que ye pareixita en as diferents especies d'estes animals, que se siente muto a sobén per o mont: un biaz de «chin-chin paa», ixo ye, una secuencia de dos notas agutas y breus, de timbre metalico, seguitas per una mas ubierta y prolongata. thumb|right|300px|Dos masclos y una fembra de chinchipera mostachuda (Panurus biarmicus) esgarrapando en a chebrada. As especies d'aus que s'han documentato con este nombre son:
En a familia Aegithalidae: En o chenero Aegithalos: A chinchipera blanqueta (Aegithalos caudatus). En a familia Paridae: En o chenero Lophophanes: A chinchipera de crencha (Lophophanes cristatus). En o chenero Parus: A chinchipera (Parus major). A chinchipera cabecinegra (Parus palustris). A chinchipera carbonera (Parus ater). A chinchipera boreal (Parus montanus). En o chenero Poecile: A chinchipera de Laponia (Poecile cinctus). A chinchipera fosca (Poecile lugubris). En a familia Sittidae: En o chenero Sitta: A chinchipera corretroncos, nombre local d'o esgarrapins (Sitta europaea). En a familia Timaliidae: En o chenero Panurus: A chinchipera mostachuda (Panurus biarmicus).
Notas
Referencias
Categoría:Zoonimia