250px|dreita|thumb|Asemblea Nacional de Bangladesh. Dhaka (ঢাকা en bengalín, , d'antis mas o suyo nombre yera transcrito a luengas europeas como Dacca), ye una ciudat de Bangladesh, que ye a ciudat con mayor población d'o país y a suya capital, amás d'estar a capital d'o Districto de Dhaka.
A suya población ye de 6.737.774 habitants, en una superficie de 153,84 km², con una densidat de población de 43.797,28 hab/km². Ye asinas una d'as ciudaz mas poblatas d'Asia.
Dhaka ye situata a cantos d'o río Buriganga, un afluent d'o río Dhaleswari, en a cuenca d'o río Brahmaputra, en una zona que ye a o nivel d'a mar. O territorio d'arredol ye historicament a zona de mayor concentración de cautivo de chute (Corchorus capsularis) d'o mundo, que estió historicament uno d'os motivos d'o creiximiento economico d'a comarca.
Establita en o sieglo VIII, dende a suya naixencia o sector economico mas important d'a ciudat estió o comercio, y cuan arribó a la rechión a Companyía Britanica d'as Indias Orientals (dimpués d'a batalla de Plassey en 1757) y dimpués l'Imperio Britanico Dhaka perdió tota a suya importancia, dica prencipios d'o sieglo XX, con a nueva división administrativa de Bengala en 1905, cuan Dhaka se convertió en a capital d'o nuevo territorio d'a India britanica de Bengala Oriental y Assam. En 1947, con a independenvia y partivión d'a India britanica entre India y Pakistán, Dhaka se convertió en a capital de Bengala Oriental, una d'as dos partes d'o nuevo estato pakistanés. Finalment, en 1972 se convertió en a capital d'o nuevo estato de Bangladesh, prencipiando o suyo mayor creiximiento dende que fue establita en o sieglo VIII.
Demografía + Evolución d'a población Anyo habitants 1801 200.000 1840 51.636 1872 69.212 1881 79.076 1911 125.700 1941 239.000 Anyo habitants 1951 336.000 1961 556.000 1974 1.680.000 1981 3.440.000 1991 6.150.000 2004* 10.403.957 2005* >15.000.000 (*) Estimación Fuent: Banglapedia. Cifras no coincidents con as cifras oficials. Esporte Os esportes mas populars en Dhaka y tot o país son o criquet y o fútbol.
A ciudat ye a seu d'o Mohammedan SC y lo Abahani los dos clubs esportivos mas famosos y populars de fútbol y criquet, mantenendo una rivalidat feroz especialment en la Primera División de Fútbol de Bangladesh.
Instalacions esportivas Lo Estadio Nacional de Bangabandhu conoixiu tamién como Dhaka Stadium estió la siede prencipal d'os partius de cricket nacionals y internacionals, pero agora alberga exclusivament partius de futbol, estando a siede de l'equipo nacional de Bangladesh. Tamién cal destacar lo Estadio Nacional de Críquet Sher-y-Bangla, utilizau exclusivament pa lo críquet.
En a ciudat i hai dos campos de golf y cadagún tien o suyo respective equipo de competición, lo Army Golf Club y lo Kurmitola Golf Club. Bangladesh Golf Federation Member list.
250px|thumb|centro|O estadio Nacional de Críquet Sher-e-Bangla.
Competicions esportivas Dhaka estió siede d'a ceremonia ceremonia inagural d'a Copa Mundial de Críquet de en a suya edición de 2011, chugando-se hi 6 partius d'o torneo, incluyius dos partius de cuartos de final. Dhaka tamién ha estau siede d'os Chuegos d'o Sud d'Asia tres vegadas, en edicions de 1985, 1993 y 2010. Dhaka ye la primera ciudat en albergar los chuegos tres vegadas. Lo Estadio Nacional de Bangabandhu estió la siede prencipal d'as tres edicions.
A livel domestico existe una competición de críquet conoixida como Dhaka Premier League, en a cual participan escuelas, universidaz y entidaz esportivas privadas.
Organizacions esportivas Lo National Sports Council ye o responsable de promover actividaz esportivas en tot o país y tién a suya siede en Dhaka.
Dhaka tiene una franquicia en a Bangladesh Premier League de críquet conoixius como Dhaka Capitals, de golf i hai dos equipos lo Army Golf Club y lo Kurmitola Golf Club. Bangladesh Golf Federation Member list.
Localidaz achirmanadas Cualques d'as ciudaz achirmanadas con Dhaka son:
22px Kolkata, India 22px Nueva York, Estaus Unius. List Of Sister Cities – What Is A Sister City?. 22px Guangzhou, China 22px Bucarest, Rumania Bucharest becomes Dhaka's sister city. 22px Lima, Perú. 22px São Paulo, Brasil.
Referencias
Vinclos externos
Pachina web oficial municipal. Universidat de Dhaka.
Categoría:Capitals d'Asia Categoría:Localidaz de Bangladesh Categoría:Localidaz portuarias de Bangladesh