thumb|Bagdad Bagdad (بغداد, Baghdad, en arabe) ye a prencipal ciudat y la capital d'Iraq, amás d'estar tamién a capital d'a gubernación de Bagdad. A ciudat ye trescruzada por o río Tigris (un afluent d'o río Eufrates, l'atro gran río de Mesopotamia).
A suya población ye de 5.258.383 habitants (estimación de 2008) en una superficie de 734 km², con una densidat de población de 7.164,00 hab/km². Ye la ciudat con mayor numero d'habitants d'o país, estando tamién a tercera d'Orient Meyo dimpués d'O Caire y de Teherán.
Establida en o sieglo VIII por o Califato abasida, a ciudat tien una luenga historia, como ye evident en os suyos edificios y restas arqueolochicas. Bien luego dende la suya fundación, Bagdad se convertió en un d'os prencipals centros culturals d'o mundo islamico, encara que cuan en 1258 con a clamada batalla de Bagdad os mongols d'Hulegu Khan quedó completament destruyida y tardó anyos en recuperar part d'o suyo antigo esplendor. Dende la invasión d'Iraq en 2003 a ciudat fue ocupada por as tropas de l'exercito estausunidense, dimpués d'os bombardeyos aerios d'a Guerra d'o Golfo; dende alavez a ciudat ha padeixiu grieus danyos en as suyas infrastructuras, especialment mientres a invasión d'Iraq de 2003 y la consiguient guerra d'Iraq que duró dica aviento de 2011. En os zaguers anyos la capital ha estau obchectivo de numerosos ataques d'a guerrilla iraquí. Este conflicto militar tamién ha provocau una perda profunda y irreparable de l'herencio cultural y de piezas historicas. Dica hue, la mayoria d'esfuerzos pa la suya reconstrucción s'han enfocau y destinau a la reconstrucción d'as infrastructuras.
Toponimia Lo nombre ye d'orichen preislamico y d'etimolochía discutida.
Mientres o dominio persa existió un puesto con ixe nombre en o mesmo puesto, Guye Le Strange: Baghdad During the Abbasid Caliphate from Contemporary Arabic and Persian, pachina 9. per lo que pareixe estar que lo toponimo s'orichina en ixa luenga y sería componiu per bagh ("Dios") y dād ( "cosa que s'entrega"), tot chunto significaría "regalo de Dios". Pero atros autors han sucheriu unatro orichen, mas antigo, sinyalando un toponimo babilonico que puede leyer-se como Bagdadu (u bien Hudadu, pus o signo cuneiforme ye ambiguo) que amaneixe tamién en o Talmud de Babilonia como Baghdatha.
En a versión en aragonés d'o Libro de Marco Polo promovida per Johan Ferrández d'Heredia lo nombre de Bagdad amaneixe como Baldach. Francisco Sangorrín Guallar y Rosa María Castañer Martín: La versión aragonesa del Libro de Marco Polo (siglo XIV): Edición y estudio, tesis d'a Universidat de Zaragoza, 2014, p. 516, PDF (107 Mb).
Esporte Dende la Primera Guerra Mundial a ciudat tien una important tradición de cursas de caballos, que dentra en conflicto con os islamistas por as apuestas que van parellanas a istas cursas.
Como en a mayor parte d'o mundo, en Bagdad tamién ye popular o fútbol, y ye a siede de beluns d'os mas importants equipos de futbol en Iraq, estando los mas conoixius y populars l'<nowiki>Al Quwa Al Jawiya (Club d'Aviación), Al Zawra, Al Shurta (Policía) y Al Talaba (Estudiants).
Instalacions esportivas O estadio mayor de Bagdad ye o estadio Al Shaab, un estadio multiusos que se devantó en 1966.
Localidaz achirmanadas 22px Ammán (Chordania), dende 1989. 22px Beirut (Liban). 22px Denver (Estaus Unius). 22px O Caire (Echipto), dende 1978. 22px Saná (Yemen), dende 1989.
Referencias
Vinclos externos
Pachina web oficial municipal de Bagdad. Historia de Bagdad. Mapa interactivo de Bagdad.
*