Blas de Sebaste u Sant Blas estió un medico y bispe de Sebaste (l'actual Sivas) en l'este de Turquía en o sieglo IV.
Fació una vida d'armitanyo en una espelunga d'a selva d'Argeus, que se convertió en a suya seu bispal.
Hachiografía Seguntes a tradición, Blas de Sebaste yera conoixito por o suyo don de curación miraglosa pa personas y animals.
Culto Bi ha un culto a Sant Blas que ye ligato a los pastors pirenencos. Se diz que dezaga d'o culto de Sant Blas bi ha cultos profilacticos precristians. Se recurre a lo santo en casos d'afeccions de garganchón u malautías infantils.
O 3 de febrero bi ha actos substitutivos d'os sacrificios d'animals en Navarra, País Basco y Aragón: os hombres levan pretons de pelos d'os suyos animals a las capiellas de Sant Blas dimpués d'haber trazato cruces con a cera d'un cirio bendito en o lomo d'os suyos animals. Se creye que o rito proteche a lo bestiar tota l'anyata.
Iconografía Lo representan con: Un tocín. Cirios entrecruzatos (a suya fiesta ye chusto dimpués d'a Candelera). Cuerno. Mitra. Peine pa cardar.
Lugars d'Aragón on ye patrón Ateca. Chiprana. Escuita. Fonz. Miedes d'Aragón.
Lugars d'Aragón on se celebra Ateca. Chiprana. Escuita. Ferrera de los Navarros Fonz. Gargallo. Miedes d'Aragón. Villanueva de Xixena.
Ditos y mazadas «Pa Sant Blas, una hora mas» Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.39
Referencias
Vinclos externos
Categoría:Sant Blas