A Manchuela Albacetenya ye una mancomunidat que aplega a 24 municipios d'a provincia d'Albacet y a El Herrumblar, un municipio d'a provincia de Cuenca. Chunto con a Manchuela Cuencana forma a comarca tradicional y historica d'a Manchuela. Ye repartirta entre os partius chudicials de Albacet, Almansa, Casas-Ibáñez (mes que mes), Motilla del Palancar y La Roda.
A seu d'esta mancomunidat se troba en a carrera Matadero 5 de Fuentealbilla.
Cheografía
Muga a lo norte con a Manchuela Cuencana y a Plana d'Utiel, a l'este con a Val de Cofrentes, a lo sud con o Mont Iberico-Corredor d'Almansa y os Plans d'Albacet, y l'ueste con a Mancha d'o Xúcar-Centro.
La sulcan o río Xúcar, y os suyos afluents Cabriuel y Val de Membra. Os ríos Xúcar y Cabriuel deixan entre as suyas politas vals una plana tipicament manchega.
Economía
Como en a Manchuela cuencana, tien especial importancia en a economía d'a zona o cautivo de champinyón, cerial, a vinya, olivera, zafrán, y tamién o bestiar ovín. Precisament tota a Manchuela d'Albacet se troba adhibita en a Denominación d'Orichen Manchuela de vin.
Categoría:Comarcas d'Albacet