Iste articlo ye sobre o Plano, municipio d'a Fueva en Sobrarbe. Ta atros usos, se veiga O Plano (desambigación).
O Plano (oficialment, en castellano, El Plano) ye una pardina aragonesa d'o municipio d'a Fueva, en a comarca de Sobrarbe y provincia de Uesca. Actualment se troba despoblada. «Pueblos abandonados» en a pachina oficial d'o Concello d'a Fueva, consultada o 2 de noviembre de 2010.
O Plano ye una sola casa con bellas bordas a redol y un forno de pan cocer. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. Como o suyo nombre indica, se troba en o plano d'a Fueva, en o fondo d'a fondonada natural que ye ista subcomarca sobrarbenca, a poca distancia en este de Tierrantona. Ye bien accesible dende o camino que puya ta Muro de Roda dende Tierrantona, en sortindo d'a cabecera municipal d'antes no s'arribe ta o Pamporciello, en a man dreita d'a pista.
En a frontera d'a casa i tiene una racholeta indicativa d'as tipicas que tienen muitas aldeyas por tot l'Alto Aragón. A rachola fa bien claro que, atamas d'a suya proximidat con Tierrantona, va perteneixer a o municipio de Muro de Roda, desapareixiu en os anyos 1960: «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 2 de noviembre de 2010
Fiestas As fiestas se celebran de conchunta con o Pamporciello: 22 de chinero, fiesta d'hibierno, fendo-le honras a sant Vicent mártir 24 d'agosto, fiesta mayor, fendo-le honras a sant Bertolomeu. «Fiestas» en a pachina oficial d'o Concello d'a Fueva, consultada o 2 de noviembre de 2010.
Referencias
Vinclos externos En http://www.despobladosenhuesca.com
Categoría:Despoblaus d'a provincia de Uesca Categoría:Lugars d'a Fueva Categoría:Localidaz d'Aragón con fiestas patronals ta sant Bertolomeu Categoría:Pardinas Categoría:Localidaz d'a diocesi de Balbastro-Monzón en Sobrarbe