thumb|Placa en memoria d'o diplomatico aragonés Ángel Sanz-Briz, qui salvó a bels mils de chudieus de l'Holocausto en Hongría en 1944. A placa la i caló o Concello de Madrit en a frontera d'a suya casa en a carrera Velázquez.
Ángel Sanz-Briz (Zaragoza, 28 de setiembre de 1910 – Roma, 11 de chunio de 1980) estió un diplomatico aragonés, que en 1944 contribuyó a salvar as vidas de bels cinco mil chudieus hongaros d'entre l'Holocausto, furnindo pasaportes espanyols, en primeras a os chudieus que alegaban tener orichen sefardita, y mas adebant, a cualsiquier chudieu perseguiu. Por ixos feitos, ye reconoixiu con o títol de Chusto entre as Nacions.
Biografía Dimpués d'estudiar Dreito, dentró en a Escuela Diplomatica en 1933, rematando os suyos estudios poco antes de prencipiar a Guerra Civil Espanyola. Dimpués d'o escomencipio d'ista, s'enroló en as tropas franquistas. Rematada a guerra, obtenió o suyo primer destín diplomatico, como Engargau de negocios en O Caire (Echipto). En 1942, otenió o suyo segundo destín, poco dimpués d'o suyo matrimonio con adela Quijano, tamién como Encargau de negocios en a embaixada espanyola en Hongría, un Estau amanau ta l'Eixe, pero que no prauticaba as midas d'esterminio d'os chudieus que ya se yeran fendo en a resta d'a Europa ocupada por os nazis.J. Lacruz El ángel de Budapest. Calendata d'acceso: 2008. El periódico del Estudiante. El Periódico de Aragón. 2008. Manimenos, a tranquila vida de Sanz-Briz como encargau de negocios cambió de raso cuan Alemanya prenió o control d'Hongría, invadindo o país en marzo de 1944. Poco dimpués d'a invasión, o propio Adolf Eichmann se tresladó ta Hongría ta supervisar os plans d'exterminio d'a comunidat chudieva d'o país (bellas 750.000 personas).
Aduya a os sefarditas Indignau por os plans nazis, Sanz-Briz obtenió d'o gubierno espanyol o premiso ta furnir documentos espanyols a os chudieus sefarditas que podese trobar y negociar con as autoridaz hongaras (titeres d'o gubierno alemán), o treslau ta un puesto seguro de ditas personas (en virtut d'un viello decreto de 1925 de Miguel Primo de Rivera, que manimenos heba circunduciu en 1931). Sanz-Briz protechió asinas as vidas de bels 5.200 chudieus, fendo servir a suya influencia y contactos (tamien os suyos diners, con qui sobornó a o gauleiter alemán) y tamién edificios logaus con os diners d'a embaixada que rotuló como "Anejo a la legación espanyola". Os metods que siguió los describió él mesmo en o libro Los judíos en Espanya (os chudieus en Espanya), de Federico Ysart:
Asinas, d'os 5.200 chudieus que podió salvar a suya vida, nomás bels 200 en yeran d'orichen sefardita. A finals de noviembre de 1944, o gubierno espanyol, dimpués d'a cayida de Budapest a mans de l'Exercito Royo, li ordenó d'albandonar o puesto y tresladar-se ta Suiza. Giorgio Perlasca, un veterán italiano d'a Guerra Civil Espanyola, ciudadán espanyol honorario, que heba estau aduyando a Sanz-Briz en as suyas fayenas de protección d'os chudieus, continó o suyo quefer fendo servir documentos d'identidat espanyols falsificaus por él mesmo, en os que declaraba que yera o cónsul espanyol en Budapest. Perlasca aconsiguió que os chudieus "espanyols" seguisen a salvo dica que o 16 de chinero de 1945 os sovieticos dentroron en Budapest.
Carrera posterior Dimpués, Sanz-Briz continó a suya carrera diplomatica: os suyos destins estioron: San Francisco y Washington, DC (Estaus Unius), Lima, Berna, Bayona, Guatemala, Den Haag, Bruselas y Pekín (1973, an que estió o primer embaixador espanyol). En 1976 estió destinau ta Roma como embaixador d'Espanya debant d'a Santa Seu, an que morió l'11 de chunio de 1980.
O mesmo Sanz-Briz recontó as circumstancias por as que podió salvar a vida de tantos chudieus a Federico Ysart, qui lo deixó escrito en o suyo libro Los judíos en Espanya (1973).
Reconoiximiento En 1991, o Museu de l'Holocausto Yad Vashem d'Israel premió a suya acción y reconoixió a os suyos hereus o títol de Chusto entre as Nacions, inscribindo o suyo nombre en o memorial de l'Holocausto.Ángel Sanz-Briz - Yad Vashem - official site En 1994 o gubierno hongaro li atorgó a títol postumo a Cruz d'a Orden d'o Merito d'a Republica Ongara.
A ixera d'Ángel Sanz-Briz en o cine O film italiano "Perlasca, un eroe italiano" (Perlasca, un héroe italiano), de 2002, dirichito por Alberto Negrin y protagonizato por Luca Zingaretti y Amanda Sandrelli, con musica de Ennio Morricone, reculle a ixera que escomencipió Angel Sanz-Briz y que continó Giorgio Perlasca.
Se veiga tamién Espanya en a Segunda Guerra Mundial Raoul Wallenberg
Referencias
Vinclos externos
Espanyols debant d'a Shoa. A Lista de Sanz-Briz en Sefarad. L'ánchel de Budapest - Angel Sanz Briz 1910-1980, de Salvo Haim Alhadeff en o Instituto Sefardí Europeu. Entrevista sobre Ángel Sanz Briz a Gustavo Jalife, Director Executivo d'a Fundacion Internacional Raoul Wallenberg Os "Schlinder" latinos de l'Holocausto Sanz Briz: l'ánchel espanyol de Budapest, por Fernando Díaz Villanueva Angel Sanz Briz (1910-1980)
Categoría:Chusto entre as nacions Categoría:Diplomaticos d'Aragón Categoría:Muertos en Roma Categoría:Naixius de Zaragoza Categoría:Segunda Guerra Mundial Categoría:1910 (naixencias) Categoría:1980 (muertes)