Francisca Marqués López (Tarazona, 10 de marzo de 1888 – Barcelona, 26 de chulio de 1962), Raquel Meller en a Gran Enciclopedia Aragonesa. mas conoixita por o nombre artistico Raquel Meller estió una cantaire, cupletista y actriz aragonesa. Se diz que estió l'artista espanyola con mas exito internacional d'entre o sieglo XX. Ella estió qui cantó a versión orichinal de buena cosa de cancions espanyolas bien famosas, como La violetera u El relicario. D'entre os anyos vinte y os trenta d'o sieglo XX estió famosa y almirata como una estrela internacional.
Su pai yera aragonés y su mai de La Rioja. Raquel Meller en a pachina web de Riojanos ilustres. Estando ella muit chica se tresladoron ta a o lugar riojano d'Inestrillas an que su pai treballaba de ferrero. Dimpués de bels anyos, a suya familia se tresladó ta Barcelona, pero ella remanió en La Rioja, baixo a tutela d'una tía materna, dica que se reunió con a suya familia que s'heba instalau en o barrio d'o Poble Sec de Barcelona. A choven Francisca treballó en un taller de confección frecuentau por artistas de teatro, y estió ta par d'alavez cuan conoixió a la cantaire Marta Oliver. Baixo o suyo popiellache, Francisca debutó en o salón La gran Peña en febrero de 1908, con o nombre artistico de La Bella Raquel. Poco dimpués modificó iste nombre, adhibindo-ie o sonoro apelliu Meller, diz que como recuerdo de l'amor que sentiba por un hombre alemán. O 16 de setiembre de 1911, Raquel Meller fa o suyo gran debut en o Teatro Arnau de Barcelona. Fue por ixas envueltas cuan cantaba La violetera u El relicario, dos piezas composatas por José Padilla Sánchez que la facioron muit conoixita.
Filmografía 1919: Arlequines de seda y oro. 1922: Rosa de Flandes. 1923: La tierra prometida. 1924: Violettes impériales, versión muda. 1925: Ronda de noche. 1926: Carmen . 1927: Nocturno. 1928: La venenosa. 1932: Violetas imperiales, versión sonora. 1936: Lola Triana, sin rematar.
Vinclos externos
Raquel Meller en a Gran Enciclopedia Aragonesa. Raquel Meller en a pachina web de Riojanos ilustres. Raquel Meller en Biografías y Vidas. Raquel Meller en IMDb. Homenache a Raquel Meller.
Referencias
Categoría:Actrices d'Aragón Categoría:Cantaires d'Aragón Categoría:Cantaires de cabaret d'Aragón Categoría:Cantaires de cuplet d'Aragón Categoría:Cantaires en castellano Categoría:Muertos en Barcelona Categoría:Naixius de Tarazona Categoría:1888 (naixencias) Categoría:1962 (muertes)