Bretanya (En francés Bretagne, en bretón Breizh, en galó: Bertaèyn) ye una peninsula en o nord-ueste de Francia.
Rechión historica, d'antis mas reino y ducau, formata por os actuals departamentos de Finisterre, Costas d'Armor, ar Mor-Bihan, Il-ha-Gwilen y Loira Atlantica, iste zaguero en a rechión de Países d'a Loira.
A rechión se deciba Armorica en o periodo romano y prerromano y significaba dencima d'a mar. A rechión prene o suyo nombre y una identidat diferenciata d'a resta de Galia con as invasions chermanicas de finals de l'Imperio Romano; bels britonicos que fuyiban d'as invasions saxonas se refuchioron en Armorica y i prenioron o poder en contra d'os intreses d'os galorromanos que se refuchioron en o sud-este (Vannes).
Una parte important d'a población charra bretón. En l'aria oriental se charra una luenga d'oïl, o galó. As dos lenguas tradicionals, en especial a segunda son amenazatas por o gran poder de difusión d'o francés.
A población ye catolica, pero mantién u manteneba muitas creyencias paganas celtas. Bi ha una mitolochía bretona muit antiga de transmisión oral y a luenga oficial ye o frances, pero tamién se-charra a luenga traditional d'ista peninsula, o bretón.
Se veiga tamién Bretanya (rechión historica).
Referencias
Vinclos externos
*