Lyndon Baines Johnson, conoixiu tamién como Lyndon B. Johnson, naixiu o 27 d'agosto de 1908 en Stonewall (Texas) y muerto o 22 de chinero de 1973 en Monticello (Virchinia), estió un politico estausunidense, que estió o 36º President d'os Estaus Unius, dende o 22 de noviembre de 1963 dica o 20 de chinero de 1969, dimpués de l'asasinato d'o president John Fitzgerald Kennedy. Tamién estió o 37º vicepresident d'o país dende o 20 de chinero de 1961 dica o 22 de noviembre de 1963 con o president John Fitzgerald Kennedy.
Muitos historiadores y academicos lo cualifican como un d'os millors presidents d'a historia por as suyas politicas internas; la suya administración aprebó muitas leis que aconsiguioron importants abances en dreitos civils, cudiau d'a salut y bienestar, encara que ye criticau durament per a suya politica exterior y augmentar la participación estadounidense en a guerra de Vietnam con un mayor numero de tropas y equipamientos.
Destacó per a suya luita contra o racismo y a segregación racial, aconseguindo aprebar a Lei de Dreitos Civils de 1964 y a Lei d'o Voto de 1965, tenendo una fuerte oposición interna en o suyo propio partiu. Tamién aconsiguió aprebar la Lei d'Ingresos y la Lei d'Oportunidat Economica, con a finalidat d'eliminar la pobreza en a población afroamericana y a seguranza de salut pa los ancianos y pa los pobres y la construcción estatal de viviendas a baixo coste.
Vinclos externos
Categoría:Presidents d'Estaus Unius Categoría:Vicepresidents d'Estaus Unius Categoría:Naixius de Texas Categoría:Muertos en Virchinia Categoría:Politicos d'Estaus Unius d'a Guerra de Vietnam Categoría:1908 (naixencias) Categoría:1973 (muertes)