Napoleón Bonaparte u Napoleón I de Francia, naixiu d'Aiacciu (Corcega, colonia de Chenova) o 15 d'agosto de 1769 y muerto en a isla de Santa Helena o 5 de mayo de 1821, estió un militar y politico francés, que plegó o ran de cheneral como militar y dica Primer Consul y dimpués Emperador de Francia, Rei d'Italia y Coprencipe d'Andorra como politico. Embarcó a o suyo país en as clamadas Guerras napoleonicas, como continación d'as clamadas Guerras revolucionarias francesas, incluindo-ie a Guerra d'o Francés. Dimpués d'a suya redota por o Reino Uniu y os Aliaus, fue engarcholau, primero en a isla d'Elba y dimpués en a isla de Santa Helena, a on i morió.
Napoleón teneba una gran cuadra de caballos, d'aproximadament 130 eixemplars a los cuals feba goyo de meter-les nombres clasicos u mitolochicos, como Tamerlán u Ciro, encara que tamién de lugars u victorias importants. Les chevaux de Napoléon. O suyo caballo mas conoixiu ye Marengo, a qui li metió ixe nombre por a suya victoria en a Batalla de Marengo.
Guerra d'o Francés Como no podió vencer a os britanicos militarment, Napoleón imposó un bloqueyo sobre as mercaderías britanicas con o proposito d'arruinar o suyo comercio. Portugal estió una d'as nacions que no se plegó a o bloqueyo, razón per a cual Napoleón buscó una alianza con Espanya pa invadir Portugal. A causa d'a debilidat militar espanyola en o momento y dimpués d'a perda d'a suya armada en a batalla de Trafalgar, se sinyó o tratau de Fontainebleau, en o cual se permitiba a Napoleón dentrar en Espanya con o suyo exercito pa redotar a Portugal y zarrar as rotas comercials britanicas. Dimpués de cruciar a buega espanyola y ocupar la capital portuguesa, las suyas tropas ocuporon cuantas ciudaz espanyolas, lo que cheneró una rebelión popular que encetó la Guerra d'o Francés entre las tropas francesas y las espanyolas, en as cuals tenió un papel fundamental la luita de guerrillas.
Napoleón decidió incluyir a Catalunya en o suyo Imperio, dependendo administrativament de Francia, deixando o resto d'Espanya como un estau satelite, nombró rei d'ixe país a su chirmán José en o trono d'Espanya y deixando Nápols como una monarquía maniada per o suyo cunyau, Joachim Murat. Dimpués d'a primera redota important d'as suyas fuerzas en a batalla de Bailén, o mesmo Napoleón comandó as fuerzas que invadioron Espanya y redotoron a l'exercito d'este país; dimpués tamién redotó a l'exercito britanico que vinió en aduya d'Espanya.
Este conflicto suposó un gran desgaste humano (s'ha estimau en 300.000 baixas) y economico pa Francia. Se calcula que o 10% d'as baixas tanto d'o costau espanyol como d'o francés ocurrioron mientres os dos seches a la ciudat de Zaragoza, entre o 15 de chunio de 1808 y o 21 de febrero de 1809.
En a cultura popular A figura de Napoleón ha estau de gran influencia en a construcción d'os actuals países modernos per las suyas reformas aplicando los modelos d'a Revolución francesa y deixando una gran impronta en a sociedat, ye per ixo que ha atraito en numerosas ocasions a los cineastas y literatos, servindo d'inspiración u sincusa pa rodar cintas, documentals y escribir novelas.
Filmografía En o cine d'entre las muitas cintas rodadas cal destacar: War and Peace, cinta de 1956 basada en a novela homonima de Leo Tolstoy, Monsieur N. dirichida por Antoine de Caunes y protagonizada por Philippe Torreton, que narra a vida de Napoleón mientres estió engarcholau en a Isla Santa Helena y Napoleon de 2023 dirichida por Ridley Scott y protagonizada por Joaquin Phoenix, ista zaguera ha estau muito criticada per muitos historiadors per o suyo poco rigor historico y centrar-se unicamente en a parte militar ignorando a suya influyencia en abances socials.
A continación se pueden veyer una selección de cintas en as cuals de bella forma estan relacionadas con Napoleón. Anyo Títol d'a cinta Director Elenco Atros 1897 Entrevue de Napoléon et du Pope Entrevue de Napoléon et du Pope. en Internet Movie Database. Alexander Promio, Georges Hatot y Bretteau Georges Hatot1909 Napoleon and the Empress Josephine Napoleon and the Empress Josephine. en Internet Movie Database. William Humphrey Napoleon, the Man of Destiny Napoleon, the Man of Destiny en Internet Movie Database. J. Stuart Blackton William Humphrey 1912 Napoléon, Bébé et les Cosaques Napoléon, Bébé et les Cosaques en Internet Movie Database. Louis Feuillade Renée Carl 1928 Napoleon's Barber Napoleon's Barber en Internet Movie Database. John Ford Otto Matieson 1929 Waterloo Waterloo en Internet Movie Database. Karl Grune Charles Vanel Napoleon auf St. Helena Napoleon auf St. Helena en filmportal. Lupu-PickWerner Krauss1936 Hearts Divided Hearts Divided en Internet Movie Database. Claude Rains1937 Maria Walewska Variety critica d'a cinta; 27 d'octubre de 1937, pachina 18.Clarence Brown y Gustav MachatýCharles Boyer 1938 A Royal Divorce A Royal Divorce en Internet Movie Database. Jack Raymond Pierre Blanchar Napoleon ist an allem schuld Napoleon ist an allem schuld en Internet Movie Database. Curt Goetz Curt Goetz y Valérie von Martens 1954 Désirée Désirée en Internet Movie Database. Henry Koster Marlon Brando [ ''''] en Internet Movie Database.
Se veiga tamién Batalla de Marengo. Batalla de Waterloo.
Referencias
Vinclos externos
/ Sito web d'a Fundación Napoleón.
Categoría:Corsos Categoría:Emperadors de Francia Categoría:Militars de Francia d'as Guerras revolucionarias francesas Categoría:Militars de Francia d'as Guerras napoleonicas Categoría:1769 (naixencias) Categoría:1821 (muertes)