thumb|250px|Una ilesia en Malaisia. A Verdadera Ilesia de Chesús ye una ilesia independient que fue establita en Pekín (China) en 1917. O predicador Yung-Ji Lin ye o president esleito de l'asemblea internacional d'ista ilesia. Bi ha alto u baixo 1,5 millons de miembros en seis continents. A ilesia fa parte d'a branca pentecostal d'o cristianismo que amaneixió a prencipios d'o sieglo XX. A ilesia tamién s'achunta con atras en a teolochía d'os Pentecostals Unicitarios (“Nomás Chesús”).
As diez doctrinas prencipals As diez doctrinas d'a Verdadera Ilesia de Chesús:
1. O Esprito Santo A recullita d'o Esprito Santo, manifestata en a charra en luengas, ye a guarancia d'o nuestro herencio en o reino d'o cielo.
2. O baptismo O baptismo en augua ye o sacramento ta la remisión d'os pecatos ta la recheneración. O baptismo debe realizar-se en augua corrient natural, como un río, o mar, u o manancial.
3. O lavato de piez O sacramento d'o lavato de piez permite a la persona tener una parti con o Sinyor Chesús. Tamién sirve ta remerar que se debe tener amor, santidat, humildat, perdón y servicio.
4. A santa comunión A santa comunión ye o sacramento ta remerar a muerte d'o Sinyor Chesús. Nos permite participar d'a carne y d'a sangre d'o nuestro sinyor y estar en comunión con él ta poder tener vida perén y revilcar en o zaguer día.
5. O sabado O día de retantida, o seteno día d'a semana (seguntes ista ilesia, o sabado), ye un día santo, bendecito y santificato por Dios. Debe estar alufrato baixo a gracia d'o Sinyor ta la remeranza d'a creyación y salvación de Dios y con l'asperanza de discanso perén en a vida esvenidera.
6. Chesús Chesucristo, o verbo feito carne, morió en a cruz para redimir a los pecadors, resucitó a lo tercer día y puyó a lo cielo. Él ye o solo salvador d'a humanidat, o creyador d'os cielos y d'a Tierra, y o solo Dios verdadero.
7. A Biblia A Santa Biblia, formata por l'Antigo y o Nuevo Testamento, ye inspirata por Dios, constituye a sola verdat escrita, y o estandar ta la vida cristiana.
8. A Salvación A salvación ye data por gracia de Dios a traviés d'a fe. Os creyents deben confiar en o Esprito Santo, ta plegar a la santidat, ta honrar a Dios, y t'aimar a la humanidat.
9. A Ilesia A Ilesia, establita por o nuestro Sinyor Chesucristo, a traviés d'o Esprito Santo mientres a epoca d'a 'Zaguera plevida', ye a ilesia verdadera restaurata d'o tiempo apostolico.
10. A Segunda Venita A Segunda Venita d'o Sinyor escayecerá en o zaguer día, cuan baixe d'o cielo ta chuzgar a lo mundo. Os chustos recibirán vida eterna, pero os impíos recibirán condenación eterna.
Atras creyencias Ista ilesia no celebra la Navidat, en considerar-la una festividat pagana (solsticio d'hibierno).«¿Ye biblica a Navidat?» Dicen que por desconoixer-se o día exacto d'a naixencia de Cristo, no s'ha de conmemorar ista fita e que Chesús nunca no demandó a os suyos disciplos de celebrar o suyo cabo d'anyo. No celebran o Viernes Santo ni a Pascua de Resurrección, ya que dicen que se tracta de calendatas asociatas a la pagana «fiesta d'o paso» (equinoccio de primavera).
Presencia A Verdadera Ilesia de Chesús se troba en toz os cinco continents.
A Verdadera Ilesia de Chesús en Asia Nord-este d'Asia - Corea, Chapón, China, Hong Kong y Taiwán. Sud-ueste d'Asia - Vietnam, Brunei, Campuchia, Filipinas, India, Indonesia, Malaisia, Birmania, Singapur y Tailandia.
A Verdadera Ilesia de Chesús en America Nortamerica - Canadá y Estaus Unius. America d'o Sud - Archentina, Bolivia, Brasil y Chile. America Insular - Republica Dominicana.
A Verdadera Ilesia de Chesús en Oceanía Oceanía - Australia, Fichi, Nueva Zelanda, Samoa y Tonga.
A Verdadera Ilesia de Chesús en Europa Europa - Alemanya, Andorra, Austria, Belchica, Espanya, Francia, Irlanda, Países Baixos, Rusia y Reino Uniu.
A Verdadera Ilesia de Chesús en Africa Africa - Benín, Republica Democratica d'o Congo, Ghana, Kenya, Liberia, Nicheria, Sudafrica, Sierra Leone, Tanzania, Togo y Uganda.
Referencias
Vinclos externos A Verdadera Ilesia de Chesús A Verdadera Ilesia de Chesús. Asemblea Internacional A Verdadera Ilesia de Chesús en Estaus Unius A Verdadera Ilesia de Chesús en o Reino Uniu A Verdadera Ilesia de Chesús en Malaisia A Verdadera Ilesia de Chesús en Hong Kong Directorio Mundial d'a Verdadera Ilesia de Chesús Pentecostals d'o Nombre de Chesucristo Directorio d'Ilesias d'o Nombre de Chesús en EUA, Mexico, Cuba y Canada
Categoría:Protestantismo