Déchusban ye un grupo de musica pop-folk en aragonés.
Historia O prochecto prencipia con una colla de musicos intresatos en a musica pop-folk que se chuntan en l'anyo 1999. A ideya prencipal yera creyar un folk moderno amanato a la musica rock. Mezclando gaita de boto con estilos musicals tan diferents como a musica clasica, a bossa nova, o pop y o rock o resultato ye un grupo de musica folk-rock que fa servir l'aragonés y o castellano como luengas en as suyas cancións.
O suyo primer treballo, a maqueta "En a garchola de l'esmo mío", amaneix en l'anyo 2002, tornando-se a suya musica mas enta o pop-rock, pero sin deixar nunca o folk. Entre as seis cancions que bi ha en ista maqueta cal destacar "A falordia d'as cinglas" que regraboron y encluyoron en o disco "A ixena 2" feito de tot en aragonés con a enchaquía d'o 25eno cabo d'anyo d'o Ligallo de Fablans y que tamién apareixió en o disco "Planeta Aragón 2" con una replega de cancions de musicos aragoneses editato por o Gubierno d'Aragón en 2002. D'atra man tamién facioron una canción en catalán, "Traurem els Colors", ta o disco "Sons del Matarranya"
Muitas (mas de 10) son as personas que bi han pasau por o grupo dende a suya creyación.
Discografía En a garchola de l'esmo mío (2002) Cucadetas (2010)
Vinclos externos Fotolog Déchusban Myspace Déchusban Parolas y cancions de Déchusban
Categoría:Grupos de pop rock Categoría:Grupos de musica folk d'Aragón Categoría:Grupos de musica en aragonés Categoría:Grupos de musica d'Aragón