O Centro Politecnico Superior (en castellano Centro Politécnico Superior), CPS, estió una Escuela Superior d'Incheniers y Arquitectos dependient d'a Universidat de Zaragoza y situata en a ciudat de Zaragoza. En 2011, o centro se suprimió cuan se creyó a Escuela d'Incheniería y Arquitectura d'a Universidat de Zaragoza.
O centro yera situato en o Campus río Ebro (districto de l'ACTUR, amán de Chuslivol) y trestallato en dos edificios: Ada Byron (Edificio A) y Torres Quevedo (Edificio C). En iste mesmo Campus tamién se trobaban a Escuela Universitaria d'Incheniería Tecnica Industrial de Zaragoza (EUITIZ) y a Escuela Universitaria d'Estudios Interpresarials de Zaragoza (EUEEZ).
Historia thumb|left|250px|Interior de l'edificio Torres Quevedo
A Escuela Tecnica Superior d'Incheniers Industrials de Zaragoza (ETSIIZ) fue establita o 9 d'agosto de 1974, y en 1986 a ETSIIZ se tresladó ta o barrio de l'ACTUR. En 1989, a ETSIIZ cambió lo suyo nombre ta o de Centro Politecnico Superior y se i encetoron os estudios d'incheniería de telecomunicacions en o curso 1990/1991, incheniería informatica en o curso 1992/1993 y incheniería quimica en o curso 1994/1995.
En o curso 2008/2009 se incluyeron os estudios de grau d'Arquitectura, seguntes o Plan Bolonya. En o curso 2010/2011 s'ufrioron (chunto con a EUITIZ) siet titulacions de grau que sustituiban a las viellas titulacions d'Incheniería.
O día 14 d'abril de 2011 se publicó en o Boletín Oficial de Aragón a Orden por a que s'autorizaba a supresión d'o Centro Politecnico Superior y d'a Escuela Universitaria d'Incheniería Tecnica Industrial de Zaragoza, creyando-se d'a suya integración un nuevo centro, a Escuela d'Incheniería y Arquitectura d'a Universidat de Zaragoza.ORDEN de 6 de abril de 2011, del Consejero de Ciencia, Tecnología y Universidad, por la que se publica el Acuerdo de 5 de abril de 2011, del Gobierno de Aragón, por el que se autoriza la creación de la Escuela de Ingeniería y Arquitectura [...]
Estudios
As cinco titulacions historicas d'o centro estioron: Incheniería informatica Incheniería quimica Incheniería industrial Incheniería de telecomunicacions Grau en Arquitectura
Chunto con a EUITIZ, s'ufrioron en o curso 2010/2011 os siguients graus:
Incheniería electrica Incheniería electronica y automatica Incheniería mecanica Incheniería quimica Incheniería de tecnolochías industrials Incheniería informatica Incheniería de tecnolochías y servicios de telecomunicación Incheniería en disenyo industrial y desarrollo de producto (s'ufriba en a EUITIZ dende o curso 2008/2009) Arquitectura (s'ufriba en o CPS dende o curso 2008/2009)
Dende a creyación d'a Escuela d'Incheniería y Arquitectura de Zaragoza en abril de 2011, ista pasa a chestionar toz os estudios que s'ufriban dende os dos centros anteriors.
Referencias
Categoría:Facultaz y escuelas d'a Universidat de Zaragoza