Halle ye una ciudat alemana, en o Estau de Saxonia-Anhalt, d'o cual ye una ciudat-districto sin denguna dependencia con os districtos d'o estau.
A suya población ye de 233.107 habitants (2012) en una superficie de 135,01 km², con una densidat de población de 1.720,32 hab/km².
A localidat ye situata a o canto d'o río Saale, un afluent d'o río Elba, a 87 metros d'altaria sobre o livel d'a mar.
Etimolochía O nombre d'a ciudat ye d'orichen celta, y deriva d'a palabra hall, o nombre d'a sal en ixas luengas, por estar amanatas a Halle bellas menas d'ixe mineral.
Historia Se conoix a construcción en 806 d'una chicota fortificación en o lugar, ta protecher os chacimientos de sal d'a redolada, que en ixas envueltas teneban una gran importancia economica.
Os millors momentos d'a historia d'a ciudat estioron os sieglos XIV-XVI, cuan se i construyió o suyo castiello (o Moritzburg), que dica 1541 estió a residencia d'os bispes de Magdeburgo.
Sindembargo, a ciudat tenió muitos danyos mientres a Guerra d'os Treinta Anyos y tamién mientres a Segunda Guerra Mundial por os bombardeyos aerios d'os Aliaus.
Localidaz achirmanatas 1968: 22px|border Oulu (Ostrobotnia d'o Norte, Finlandia). 1975: 22px|border Coimbra (Rechión Centro, Portugal). 1975: 22px|border Linz (Alta Austria, Austria). 1976: 22px|border Grenoble (Isèra, Francia). 1987: 22px|border Karlsruhe (Baden-Wurtemberg, Alemanya). 1992: 22px|border Hildesheim (Baixa Saxonia, Alemanya). 1997: 22px|border Ufa (Baixkiria, Rusia). 2009: 22px|border Jiaxing (Zhejiang, Republica Popular de China. 2011: 22px|border Savannah (Cheorchia, Estaus Unius).
Vinclos externos
Pachina web oficial municipal.
Referencias
Categoría:Localidaz de Saxonia-Anhalt