Lucientes ye un despoblato medieval aragonés en o termin municipal de Longars, comarca de Cinco Villas y partiu chudicial d'Exeya d'os Caballers, en a provincia de Zaragoza,
O lugar ye situato en a parti sud d'o municipio de Longars, a o canto d'a pista de Longars enta Luesia y amán d'o termin municipal de Luesia, clavato en a sierra de Santo Domingo. Hue nomás bi ha que bellas ruinas, repuis de l'antigo lugar.
Toponimia O toponimo Lucientes presenta a terminación -ntes que tamién amuestran atros toponimos peninsulars como Ledantes y Polientes en Cantabria, que son chenitivos fosilizaus en toponimia y no plurals. Estos toponimos se remontan a los chenitivos singulars d'a tercera declinación latina LAETANTIS y POLLENTIS d'antroponimos u cognomens feitos a partir d'o participio activo de present. En os dos casos s'ha dau la evolución fonetica regular d'o iberorromanz Alberto González Rodríguez: Toponimia mayor de Cantabria: topónimos con origen en antropónimos, p 8.. Este orichen a partir d'un chenitivo en -NTIS y un antroponimo u cognomen encaixa prou bien pa o toponimo Lucientes, relacionable con o chenitivo LUCENTIS y l'antroponimo bien documentau LUCENTIUS.
Historia Seguntes Agustín Ubieto Arteta, a primera cita d'o lugar ye en 970/994, recollita en a edición por Antonio Ubieto Arteta d'o Cartulario de Sant Chuan d'a Penya I (en Textos Medievales, 6, Valencia, 1972), y documenta as variants Lucientes y Lucentes. Ubieto Arteta, Agustín: Toponimia aragonesa medieval, Valencia, 1962.
Ye fácil que o monesterio de Leire recibise as rentas episcopals d'a ilesia de Lucientes en o sieglo XI, como as de Cercastiel, Lobera, Longars, Petiella, Sos d'o Rei Catolico u Sibirana. En o sieglo XII Lucientes li en pagaba. Luis Javier Fortun Pérez de Ciriza: Leire, un señorío monástico en Navarra (siglos IX-XIX), Gubierno de Navarra, Pamplona, 1993, .
Lucientes y Goya D'iste lugar yeran os antepasatos maternos d'o pintor aragonés Francisco de Goya y Lucientes, tresladatos ta l'amanata localidat d'Uncastiello. Genealogías de Uncastillo: los Lucientes de Uncastillo, con arbol chenealochico de Goya.
Se veiga tamién Apellito Lucientes.
Referencias
Categoría:Lugars desapareixius de Longars (Cinco Villas) Categoría:Despoblaus medievals d'a provincia de Zaragoza