Iste articlo ye sobre un despoblato d'Exeya d'os Caballers en a comarca de Cinco Villas (Zaragoza). Ta atros usos, se veiga Miana (desambigación).
Miana ye un despoblato (u coto redondo) aragonés en l'actual municipio d'Exeya d'os Caballers, en a comarca de Cinco Villas, provincia de Zaragoza y partiu chudicial d'Exeya d'os Caballers. D'antis mas, feba parte d'o termin municipal de Farasdués, y de Luesia cuan Farasdués feba parte d'iste concello.
Historia Seguntes Agustín Ubieto Arteta, a primera cita d'o lugar ye en 1087, recollita en a obra de José Salarrullana de Dios Documentos correspondientes al reinado de Sancio Ramírez, desde 1063 hasta 1094 (en Colección de documentos para el estudio de la Historia de Aragón, III, Zaragoza, 1907). Ubieto Arteta, Agustín: Toponimia aragonesa medieval, Valencia, 1972.
O lugar fue reconquerito por os cristianos a fins d'o sieglo XI, dimpués d'a construcción d'o castiello d'Obano (1083-1086) y a conquiesta y repoblación de Luna (1092-1093). Dimpués d'a reconquiesta bi habió luitas ta decidir si en dependría d'o monesterio de Leire, que controlaba atros lugars en a parte norte y ueste d'as actuals Cinco Villas, u d'o monesterio de Sant Chuan d'a Penya, que controlaba territorios a l'este, como Luna. Finalment quedó en poder de Leire, en una muga que luego estió a muga entre as diocesis de Pamplona y Zaragoza, Luis Javier Fortún Pérez de Ciriza: Leire, un señorío monástico en Navarra (siglos IX-XIX), Gubierno de Navarra, Pamplona, 1993, . y que hue ye, alto u baixo, a muga entre as diocesis de Chaca y Zaragoza.
Toponimia Puet estar relacionato con latifundistas romanos, en estar o toponimo rematato en -ana, que proveniría de Villa Mediana, u siga A villa de Medius. Tamién puet estar una indicación d'un lugar situato entre otros dos (ye decir, un lugar meianus en latín u meyano en aragonés moderno, en un punto en a vía romana que bi trescruzaba).
Cal parar cuenta en a proximidat terminolochica con o nombre d'o municipio de Mianos, tamién en a provincia de Zaragoza (encara que en a comarca d'a Chacetania).
Referencias
Categoría:Despoblaus d'a provincia de Zaragoza Categoría:Lugars d'Exeya d'os Caballers Categoría:Localidaz d'a diocesi de Chaca en Cinco Villas