A parola liana rendreita enta este articlo, ta las plantas que pinchan en os árbols d'a selva, se veiga Planta enfiladera. thumb|right|300px|Lienas esposatas en a costa cantabrica en Guipuzcua. Una liena (variant fonetica documentada en aragonés central: liana Artur Quintana i Font: El Aragonés nuclear de Nerín y Sercué (Valle de Vio), Gara d'Edizions, Zaragoza, 2007. .) ye lo nombre popular en aragonés ta denominar un aria exposada d'un mesmo estrato duro de flysch, que per ixo forma una superficie de penya contina y esposada a lo tempero, evocando-se una losa.
En a cultura tradicional, as lienas (como tamién as leneras) yeran o puesto d'extracción de cualques materials importants en a construción d'edificios en a montanya aragonesa. Con motivo de que ixas estructuras amaneixen normalment per fenomenos d'erosión y ixo no be pasa en os terrenos planos, as lienas s'apareixen cuasi siempre inclinadas en l'Alto Aragón, en as baixants de cualques monts.
Tamién per mor d'ixa inclinación o termin s'ha quiesto emplegar muito como sinonimo de liestra, que ixo ye, faixas de monte u versants que per estar petrosas u de terreros que las faigan imposibles de cultrar se consideran improductivas. A sobén, tamién se dicen lienas as leras u losas de penya de grans dimensions, que tradicionalment s'extrayiban ta fer-ne cualques piezas d'os molins, como la cul d'a baseta en os que feban olio, u la lera de tierra en os fogarils tradicionals, posiblement per un uso metonimico a partir d'o puesto natural d'on se ne quitan (a liena propiament dita).
A relación lexica d'entre la liena que definímos en o medio natural, y la liena d'os lenatos (que en muitos lugars se i diz, especificament, «lenastro» u «lenastra», que caldría considerar un termino mes especifico) posiblement tamién se basa en ixa relación metonimica respective a lo puesto d'on se ye quitada: una liena propiament dita u bella lenera.
Se veiga tamién Fener. Fitero (paisache). Glera. Lastra. Lenastra. Lenera. Lera. Tartera.
Referencias
Categoría:Estratigrafía Categoría:Toponimia