Este articlo tracta sobre las lastras que son baixants en a montanya. Ta la barbeta d'as espigas de cerials se veiga aliestra. thumb|right|350px|Una lastra Una lastra ye una versant de montanya de pendient prolargato y vechetación de matullar u sin guaires árbols, que son chicoz y se troban dispersos, con un suel poco profundo y a on que a penya se troba a poca distancia d'a superficie. O termino "lastra" s'emplega muito ta referir-se a puestos a on que o mont no ye cultivable, y per ixo se gosa emplegar-los solo que ta paixentar-ie o bestiar.
Toponimia En l'Alto Aragón bi'n ha muita presencia toponimica: «Lastra» en Selgua, Triste, Xabarrella, Fanyanars y Polinyino, «Lastras» en el Tormillo, Alcubierre y Pertusa, «Lastrona» en Orna de Galligo, «Lastres» en Caserras. En a provincia de Zaragoza, i trobamos «Lastra» en Cosuenda y Lumpiac, «Lastras» en Exaulín, Quinto y Casp, («Lastras d'el Pallaruelo» y «Lastras d'el Plan de l'aira»). En o sud d'a provincia de Navarra bi ha microtoponimos tipo «Lastra» u «Lastras» dica en Viana. Juan Antonio Frago Gracia: Toponimia navarroaragonesa del Ebro (V) yermos y pastizales. Archivo de filología aragonesa nº XXXVIII. 1986. pp. 105-107. En a provincia de Teruel tenemos a «sierra de la Lastra» y as «Lastras de San José», important chacimiento arqueolochico d'Albalat de l'Arcebispe sobre un estrato de piedra panal d'edat terciaria con capuzamiento de bels 30 graus.
Se veiga tamién Estiva Lenera Lenastra Lera Liena GleraTartera Fener Prato Landa u lanya Fitero Viver
Referencias
Categoría:Accidents cheograficos Categoría:Toponimos relacionaus con a ganadería