Os Seches de Zaragoza estioron dos seches que se desvinioron en a ciudat de Zaragoza en 1808 demientres a Guerra d'o Francés.
A plaza yera clau pa guarantizar as comunicacions d'o nord-este y l'abastimiento d'as tropas en Catalunya, y tamién pa controlar Aragón. Por ixo dimpués d'a sublebación d'a ciudat como consecuencia d'os succesos d'o Dos de Mayo de 1808, os franceses ninvioron un exercito pa restablir o control d'a ciudat. Encara que as tropas de l'Exercito francés yeran superior en numero y armamento, a ciudat resistió iste primer seche de Zaragoza.
Sindembargo, a fins d'anyo, os franceses tornoron en mayor numero, y tornoron a asechar a ciudat en o dito segundo seche de Zaragoza. Atamas d'a tierca y fura resistencia d'a ciudat, Zaragoza cayó en mans d'as tropas francesas o 21 de febrero de 1809.
O segundo seche de Zaragoza ye considerato como una d'as batallas mes brutals d'as guerras napoleonicas, y a sobén ha estato comparata con a batalla de Stalingrado, a causa d'os pareixitos entre os estremos combates casa por casa que se desvinioron en os dos seches.
Vinclos externos
Asociación Cultural Los Sitios de Zaragoza. Historia d'os seches de Zaragoza 1808-1809. Primer seche de Zaragoza. Segundo seche de Zaragoza.
*