Cristina Adriana Chiara Scabbia (Milan, 6 de chunio de 1972) ye una cantaire italiana, vocalista d'o grupo Lacuna Coil. Ye tamien columnista d'a revista de rock Revolver chunto con Vinnie Paul, antigo miembro d'os Pantera.
O rechistro vocal de Scabbia ye considerato de contralto.
Trachectoria profesional En 1991, Scabbia empecipió a cantar de trazas profesionals, acompanyando en os coros a las chiras d'atros grupos. En ixa mesma anyata, se trobaba en o Midnight Club de Milan con Andrea Ferro y Marco Coti Zelati, vocalista y baixista respectivament d'o grupo alavez dito Ethereal, os cuals achustoron Scabbia como cantaire temporal pa gravar os coros d'as cancions d'a suya maqueta. A os miembros d'o grupo lis fació goyo a manera como empastaban as voces masculinas y femeninas, y demandoron a Scabbia de pasar a estar-ne un miembro mes. Dende alavez, Scabbia ye a vocalista femenina d'o grupo que, en 1996, cambiaba o suyo nombre per o de Lacuna Coil.
Ha feito tamien colaboracions con artistas como Franco Battiato, Dave Mustaine d'os Megadeth y o grupo Alter Bridge.
Vida personal Scabbia ye dende 2004 en una relacion con o guitarrista Jim Root, d'o grupo de heavy metal estatunitense Slipknot.
Vinclos externos
Categoría:Cantaires d'Italia Categoría:Cantaires de heavy metal d'Italia Categoría:Cantaires en anglés Categoría:Cantaires en italiano Categoría:Naixius de Milán Categoría:1972 (naixencias)