L'archent Gerónimo Borao y Clemente Diccionario de voces aragonesas, precedido de una introducción filológico-histórica, 1859, , p.166 (en grafía etimolochica argent) u plataCon a variant palatalizada pllata ye un elemento quimico de numero atomico 47 situato en o grupo 11 d'a tabla periodica d'os elementos. O suyo simbolo ye Ag. Ye un metal de transición blanco y brillant. Presenta as mayors conductividaz termica y electrica de toz os metals, y se troba fendo parti de distintos minerals (cheneralment en forma de sulfuro) u como archent nativo. Entre as suyas diferents aplicacions, iste metal s'emplega en a fabricación de monedas, choyería, como catalizador, etcetera., y belunas d'as suyas sals en fotografía.
O nombre archent proviene d'o latín argentum Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, , p.83, con o mesmo significato. D'atra man, plata ye una evolución d'a palabra latina plattus. José Laguna Campos: Estudio léxico de un inventario oscense de 1565, Archivo de filología aragonesa, ISSN 0210-5624, ISSN-e 2603-7688, Vol. 46-47, 1991, p. 25-58 Ista significaba orichinalment "plan" y dimpués "lamina metalica". En a Peninsula Iberica o termin se especializó ta pasar a referir-se a lo metal.
Aplicacions Utilizata ta fer monedas dende l'antiguidat, anque no ye guaire claro cuan encomenzó a suya utilización. Utilizata en fotografía prencipalmente o bromuro, o fosfato y o yoduro de plata. Iste zaguer tamién ye utilizato ta provocar a plevia. Muito utilizata tamién en electricidat y electronica prencipalment en cercuitos integratos. Ye un d'os metals utilizatos ta premiar a os partecipants en bels competicions esportivas, medalla d'oro ta o campión, medalla archent ta o subcampión y a medalla de bronce ta o tercer clasificato. Emplegata tamién ta premiar destacatos personaches d'a cultura, diferents concursos culturals, u premios honorificos con una medalla de plata en un segundo grau por baixo d'a medalla d'oro. En odontolochía ta protesis y piezas dentals. En as falordias, seguntes as tradicions, l'anchent ye un material ta matar sers sobrenaturals y maleficos como os homes lupos y os vampirs.
Notas
Referencias
Vinclos externos
Información d'o archent.
Categoría:Elementos quimicos Categoría:Metals de transición Categoría:Metals preciosos