O río Sado (rio Sado en portugués) ye un río portugués, con una longaria de 180 km y una superficie d'a suya cuenca hidrolochica de 7.640 km². Ye uno d'os principals ríos de Portugal y uno d'os pocos ríos d'o país que marcha de sud ta o norte. O suyo afluent principal ye o río Xarrama.
O suyo naixedero ye en a Sierra d'a Vigia, a 230 metros d'altaria sobre o livel d'a mar, y as suyas auguas desauguan en o estuario d'o Sado (Oceano Atlantico), a o canto d'a ciudat de Setúbal y a 50 km de Lisbona, y o suyo estuario separa a ista ciudat de Tróia.
O suyo estuario ye conoixito porque i viven un important grupo de delfins, una familia con 31 animals en 2007, cadagún con o suyo nombre.
En o suyo recorriu por o territorio portugués tien muitos entibos ta regano de roz, panizo u legumbres.
Vinclos externos
Pachina web d'a Reserna Natural d'o Estuario d'o Sado. o río Sado en a pachina web d'o INAG. Observación d'aves en o estuario d'o río Sado.
Categoría:Ríos de Portugal