Hipólito Gómez de las Roces Pinilla, naixiu de Nava (comarca d'Oviedo, Asturias) en 1932, ye un politico y avogau aragonés d'orichen asturiano, que estió diputau y seiseno president d'o Gubierno d'Aragón (1987-1991), candidato por o partiu politico que heba establiu, o Partido Aragonés Regionalista (PAR). Hipólito Gómez de las roces, Partido Aragonés.

Biografía Licenciau en Dreito por a Universidat Complutense de Madrit. Perteneixió a o Cuerpo Churidico Militar y estió avogau d'o Estau.

Prencipió a suya carrera politica en os zaguers tiempos d'o franquismo, en estar dende entre o 29 de marzo de 1974 y o 28 de chinero de 1976 y d'o 8 de febrero de 1976 dica o 21 d'abril de 1977 president d'a Deputación Provincial de Zaragoza. En as eleccions chenerals de 1977, se presentó en una candidatura independient por a provincia de Zaragoza, clamada Candidatura Aragonesa Independiente de Centro (CAIC), que obtenió un deputau en o Congreso d'os Deputaus por a circumscripción de Zaragoza, que estió él mesmo como capeza de lista, y tamién representación en o Senau.

En aviento de 1977, Hipólito Gómez de las Roces disolvió a CAIC, ta establir un nuevo partiu, que ye o Partido Aragonés Regionalista (PAR), d'o que estió president dica que presentó a renuncia en prener posesión d'a presidencia d'a Deputación Cheneral d'Aragón. En as eleccions chenerals de 1979 o suyo partiu se presentó en coalición electoral con Coalición Popular, estando trigau Hipólito Gómez de las Roces deputau en o Congreso d'os Deputaus por a circumscripción de Zaragoza. Sindembargo, en as eleccions chenerals de 1982 y en as eleccions chenerals de 1986, o PAR se presentó en solitario, estando tamién esleito deputau en as suyas listas Gómez de las Roces. En 1987 renunció a o suyo escanyo, ta presentar-se a las eleccions a Corz d'Aragón de 1987

Presidente de la Diputación General de Aragón (1987-1991) Ixe mesmo mes fue eslechiu como segundo president democratico d'a Deputación Cheneral d'Aragón en contar con l'aduya d'os votos d'Alianza Popular (12) y o PAR (19), yeran mayoritarios en as Corz d'Aragón, formó asinas Gubierno, encara que o Partido de los Socialistas de Aragón estió o partiu con mayor numero de votos. O Centro Democrático y Social (CDS) —con seis deputaus— se abstenió ya que o suyo candidato Juan Monserrat heba estau eslechiu president d'as Corz Aragonesas por unanimidat, pero con os votos en contra d'o PSOE (27) y IU (1).

Gómez de las Roces formó un gubierno monocolor (atamas d'as exichencias d'AP de fer parti d'o gubierno) lo que ocasionaría no pocos problemas a o largo de toda a II Lechislatura. En 1989, dimpués de sinyar un pacto de gubierno, nombra a dos consellers d'o Partido Popular: Santiago Lanzuela y José Urbieta.

Mientres a suya presidencia s'eslichió a Emilio Gastón como primer chusticia d'Aragón d'o periodo democratico. Continoron as obras de l'edificio Pignatelli, estando cesau o suyo director, l'arquitecto Saturnino Cisneros en puyar os costes muit por dencima d'as previsions. A o largo d'a II Lechislatura, s'aprebó o salario d'inserción social y a Lei d'Espacios Protechius; s'elaboró a Lei de Caixas y s'investigoron as cuentas d'a nueva Feria de Muestras d'a capital aragonesa; se constituyoron o Servicio Aragonés de Salut, o Consello Economico y Social y l'Instituto Aragonés d'o Medio Ambient. Se construyioron 45 centros de Salut y 32 residencias d'a tercera edat, se creyó o Ret de Bibliotecas Publicas y a Biblioteca d'Aragón en Zaragoza.

A promoción turistica d'o territorio aragonés estió una d'as preocupacions de l'executivo; innivación artificial, candidatura d'a ciudat de Chaca pa la organización d'os Chuegos Olimpicos d'hibierno de 1998 (Chaca 98), u as campanyas «Aragón, sí» y «Aragón por todos los caminos». Resaltar amás como grans prochectos y infraestructuras os regadíos y a reubertura d'o Canfranc (os prochectos d'o túnel de Somport y l'autovía Somport-Sagunto) y a inauguración d'a primera autovía que tenió Aragón, la que une a Zaragoza con Madrit (A-2), que costó mas de 75 000 millons de pecetas. Pa rematar se renugó o viello prochecto de creyar una televisión autonomica.

En as eleccions a Corz d'Aragón de 1991 y en as eleccions a Corz d'Aragón de 1995, Hipólito Gómez de las Roces fue esleito deputau en as Corz d'Aragón, encara que no yera d'alcuerdo con a linia politica de pactos d'o suyo partiu con o Partido Popular.

Vida posterior a la politica Dimpués d'isto albandonó a politica ta tornar a o suyo treballo d'avogau. Ha estau colaborador habitual d'El Periódico de Aragón en cuals pachinas ha escrito toz os domingos o suyo articlo d'opinión.

O 20 de mayo de 2015 tornó a apareixer en a vida politica sinyando un manifiesto de refirme a Arturo Aliaga. O 27 d'octubre de 2022 recibió un homenache en a presentación d'o libro "Aragonés por elección", a on se recullen artíclos que destacan a importancia d'Hipólito Gómez de las Roces en a historia autonomica d'Aragón.

Reconoiximientos y distincions Medalla d'Oro d'a Provincia de Zaragoza, Medalla d'Oro d'o Concello de Zaragoza. Medalla d'Aragón d'a Deputación Cheneral d'Aragón. Fillo Adoptivo de Monegriello, Farlet, Lecinyena, Perdiguera, L'Almolda y Burcharaloz, como reconoiximiento a trayer ta ditos municipios de l'augua de boca. Fillo Adoptivo de Val Palmas. Premio El Batallador 1976. Medalla d'o Mérito Constitucional.

Referencias

Se veiga tamién Gubierno Gómez de las Roces

Categoría:Politicos d'Asturias Categoría:Politicos d'Aragón Categoría:Politicos d'o Partido Aragonés Categoría:Presidents d'o Partido Aragonés Categoría:Presidents d'a Deputación Cheneral d'Aragón Categoría:Presidents d'a Deputación Provincial de Zaragoza Categoría:Deputaus en o Congreso d'os Deputaus por a provincia de Zaragoza Categoría:Deputaus d'a Lechislatura Constituyent d'o Congreso d'os Deputaus Categoría:Deputaus d'a I Lechislatura d'o Congreso d'os Deputaus Categoría:Deputaus d'a II Lechislatura d'o Congreso d'os Deputaus Categoría:Deputaus d'a III Lechislatura d'o Congreso d'os Deputaus Categoría:Deputaus d'a I Lechislatura d'as Corz d'Aragón Categoría:Deputaus d'a II Lechislatura d'as Corz d'Aragón Categoría:Deputaus d'a III Lechislatura d'as Corz d'Aragón Categoría:Deputaus d'a IV Lechislatura d'as Corz d'Aragón Categoría:Deputaus en as Corz d'Aragón por a circumscripción electoral de Zaragoza

Categoría:1932 (naixencias)