Iste articlo ye sobre as guerras civils en cheneral. Ta atros usos se veiga Guerra civil (desambigación) thumb|250px|Efectos d'a guerra civil en Belchit mientres a batalla de Belchit. Una guerra civil ye un enfrentamiento belico en o que os suyos participants no son en a suya mayoría fuerzas militars regulars, sino que son formatas u organizatas por personas cheneralment d'a población civil. A suya caracteristica mas común ye que o conflicto armato se desembolica en un mesmo país, enfrentando-sen entre sí personas d'o mesmo puesto: ciudat, lugar, comunidat... esfendendo, cheneralment, dos ideyolochías u intreses diferents. En iste conflicto, bi ha a vegatas a intervención d'unidaz foranas de diferents países, incluso aduyando u colaborando con os diferents bandos d'ixa mesma guerra civil, podendo estar istas unidaz formatas por voluntarios civils que simpatizan a ideya de la un u l'atro bando.
Prencipals Guerras civils en Aragón En a suya historia Aragón ha vivito cuantas guerras civils. Destacan as siguients:
Guerra Civil Catalana (1462-1472): Enfrentamiento armato entre Chuan II d'Aragón y as institucions catalanas ta prener o control politico. Guerra de Succesión Espanyola (1701-1715): Enfrentamiento entre os austracistas (partidarios d'os Habsburgo) y os borbonicos. Guerras carlistas (1833-1876): Conflictos dinasticos entre dos brancas d'a casa de Borbón por a succesión a la corona. D'un costato, Isabel II y, dimpués, o suyo fillo Alifonso XII; d'atro, Carlos María Isidro de Borbón y Parma, chirmán de Ferrando VII y os suyos descendients. Guerra Civil Espanyola (1936-1939): Enfrentamiento entre os partidarios d'a Republica Espanyola cuentra os militars de dreitas sulevatos baixo lo mando d'o cheneral Francisco Franco
Guerras d'a Historia Edat Contemporania Guerra Civil d'os Estaus Unius, Guerra civil americana, Guerra civil estausunidense u Guerra de Secesión dels Estats Units. Estió un conflicto belico en forma d'una guerra civil que acayeció entre 1861 y 1865 entre 23 estaus d'o norte d'os Estaus Unius y os Estaus Confederaus d'America. Guerras Yugoslavas, Guerra d'os Balcans u Guerras Yugoslavas de Secesión (1991-2001). Estioron dos grups de guerras sucesivas en as que estioron implicatas 6 republicas de Yugoslavia. Primera (1996-1997) y Segunda Guerra d'o Congo (1998-2003). Dimpués d'a caiguda d'o dictador Mobutu Sese Seko por as guerrilas de Laurent Kabila principian enfrentamientos armatos entre os habitants d'a Republica Democratica d'o Congo interviniendo-ie bel atros paises africanos y con un resultato de una mortalera de 3,8 milions de personas.
Actualidat Guerra de l'este d'Ucraína, (2014-l'actualidat). Ye un conflicto armato como reacción contraria a l'autoproclamación d'independiencia d'as rechions de Donetsk y Lugansk situatas a l'este d'Ucraína. Guerra de Siria u Guerra civil Siriana (2011-l'actualidat). Ye un conflicto belico que enfrenta a o Gubierno de Siria y as suyas fuerza armatas con grupos de rebeldes ta derrocar o gubierno y quitar d'o poder a o suyo president actual Bashar Al-Asad, acusando-li de violento, corrupto y fer mortaleras.
Vinclos externos
*