thumb|250px|Dentrata en Cherusalem de Giotto. O Dominche de RamosCon as variants dimenche de Ramos y domingo de Ramos ye o primer día d'a Semana Santa cristiana, periodo en que os cristianos remeran a Pasión, Muerte y Resurrección de Chesús de Nazaret. Prencipia remerando a Dentrata de Chesús en Cherusalem. Seguntes os Evanchelios Chesús dentró en a ciudat de Cherusalem amontato sobre una burreta chunto con os suyos disciplos en a Pascua Chudieva. A ciudat recibió a Chesus con gran goyo, con brancas de olivera y palmas ta dar-le a bienplegata.
A calendata de celebración varía cada anyo, siempre arredol d'os meses de marzo y abril.
A Liturchia d'o Dominche de Ramos As ceremonias liturchicas d'ixe día prencipian con a bendición d'as palmas y brancas d'olivera u laurel que levan en as suyas mans os fiels, remerando o pasache evanchelico. Mientres a ceremonia d'a misa se leye tot o relato d'a Pasión.
Celebracions en Aragón thumb|250px|Dominche de Ramos en Zaragoza, Cofradía de la Entrada. En toda a cheografía aragonesa se fan procesions conmemorando os feitos que recentan os Evanchelios. A sobén as cofadrías, que levan palmas, s'encargan de portiar un paso que representa a escena d'a dentrata de Chesús en Cherusalem.
En Zaragoza ye a Cofradía de la Entrada de Jesús en Jerusalén qui fa a procesión de Dominche de Ramos u Procesión d'as Palmas, portiando o paso de La Entrada de Jesús en Jerusalén conoixito popularment como La Burreta. Atras cofadrías tamién fan procesions en Zaragoza como a Estación de Penitencia (Humildad), Vía Crucis (Coronación y Humillación), Procesión d'o Treslato (Columna), Procesión d'a Dolor d'a Mai de Dios (Prendimiento), Procesión d'o Nazareno (Nazareno) u o Vía Crucis Parroquial (Silencio y Esclavas).
En Balbastro, Semana Santa d'Interés turistico d'Aragón, procesiona a Cofadría de San José (La Burreta).
En Uesca a procesión, declarata Fiesta d'Intrés turistico d'Aragón, ye organizata por l'Archicofradía de la Vera Cruz, establita en 1587.Semana Santa en Aragón
Ye tradición tamién que os ninos leven ta a ilesia palmas con lamins penchatos, que o mosén bendecirá.
Notas
Referencias
Categoría:Semana Santa