Simone de Beauvoir (Simone-Lucie-Ernestine-Marie Bertrand de Beauvoir), naxida de París (Isla de Francia, Francia) o 9 de chinero de 1908 y muerta tamién en ixa mesma ciudat de París o 14 d'abril de 1986, Simone de Beauvoir en o catalogo d'a Biblioteca Nacional de Francia. estió una filosofa, escritora, activista y periodista francesa, personalidat destacada de l'existencialismo y d'o feminismo, indisolublement unida a lo tamién filosofo y escritor Jean-Paul Sartre.
O suyo asayo filosofico Le Deuxième Sexe, publicau en 1949, fa un analís bien preciso d'a opresión d'a muller, estando considerau como lo tractau fundacional d'o moderno feminismo, encara que tamién ye prou conoixida por a suya obra literaria, en destando bellas d'as suyas novelas, como L'Invitée (1943) u Les Mandarins (1954). En a suya faceta d'escritora destacoron tamién os suyos libros de memorias, a la vegada que recibió bels premios literarios, plegando mesmo enta estar nominada cuantas vegadas a lo Premio Nobel de Literatura, encara que mai no el ganó. Sí que li concedioron o Premio Goncourt (1954), lo Premio Cherusalem (1975) y lo Premio Austriaco de Literatura Europea (1977).
Morió por causa d'una pneumonía en París, estando apedacada en o fosal de Montparnasse d'ixa mesma ciudat.
Obras 1943: L'Invitée, novela. 1944: Pyrrhus et Cinéas, asayo. 1945: Le Sang des autres, novela. 1945: Les Bouches inutiles, teatro. 1946: Tous les hommes sont mortels, novela. 1947: Pour une morale de l'ambiguïté, asayo. 1948: L'Amérique au jour le jour, relato. 1949: Le Deuxième Sexe, asayo filosofico. 1954: Les Mandarins, novela. 1955: Privilèges, asayo. 1957: La Longue Marche, novela. 1958: Mémoires d'une jeune fille rangée, relato autobiografico. 1960: La Force de l'âge, relato autobiografico. 1963: La Force des choses, relato. 1964: Une mort très douce, relato autobiografico. 1966: Les Belles Images, novela. 1967: La Femme rompue, novela. 1970: La Vieillesse, novela. 1972: Tout compte fait, novela. 1979: Quand prime le spirituel, novela. 1981: La Cérémonie des adieux, con Entretiens avec Jean-Paul Sartre: août - septembre 1974, relato autobiografico.
Referencias
Vinclos externos
Categoría:Activistas de Francia Categoría:Alumnos d'a Universidat de París Categoría:Escritors de Francia Categoría:Escritors en francés Categoría:Feministas de Francia Categoría:Filosofos de Francia Categoría:Muertos en París Categoría:Muertos por pneumonía Categoría:Naixius de París Categoría:Periodistas de Francia Categoría:Premio Austriaco de Literatura Europea Categoría:Premio Cherusalem Categoría:Premio Goncourt Categoría:1908 (naixencias) Categoría:1986 (muertes)