Os seculs (en hongaro székely en rumano secui, en latín siculi) son un pueblo que habita l'este de Transilvania, baixo os Carpatos orientals estando mayoritarios en as provincias de Covasna y Harghita. Actualment charran un dialecto propio de l'hongaro, pero se suposa que en o pasato yeran un pueblo turquico. Son de relichión cristiana catolica. Descienden d'un pueblo establito por os hongaros pa defender a suya muga oriental en os Carpatos a cambio de privilechios y libertaz.
Historia Existe a teoría que los relaciona con a tribu kabar, (a tribu "rebel") una tribu no hongara que emigró chunto con os hongaros y en a que hi heba alanos, bulgaros y gazaros. En o libro semilechendario Gesta Hungarorum mencionan Khazaros en l'ueste de Rumanía en l'inte que encomienza a suya conquiesta por os reis hongaros. D'alcuerdo con esta teoría ixos gazaros que contribuiban a la conquiesta de Transilvania y se convertirían en os seculs sieglos mes tarde, establitos en o cabo de Transilvania defendendo a muga oriental d'o Reino de Hongría contra os pueblos d'as estepas a cambio de privilechios, d'a mesma traza que os cosacos dende os sieglo XVI u os repobladors baixo o rechimen d'aprisio en a Extremadura Aragonesa cuan a Edat Meya.
Curiosidaz Dica fa pocos sieglos manteneba l'uso de l'alfabeto turquico, (dito runico encara que as runas turquicas no tiengan relación con as runas escandinavas).
Categoría:Pueblos ugricos Categoría:Pueblos turquicos Categoría:Etnias de Rumanía Categoría:Etnias d'Hongría