Os mordovins (en erzya эрзят) son uns 1.400.000 individuos que habitan o centro d'a cuenca d'a Volga, buena part d'ellos en a Republica Autonoma de Mordovia, en a que son a tercera parte d'a población y o resto en rechions mugants. Parlan dos luengas propias u dos codialectos propios d'a branca finesa d'as luengas uralicas. Y son cristianos ortodoxos.
Entre as actividaz tradicionals mes importants d'a cultura mordvina tenemos l'apicultura. En l'artesanía d'os mordovins destaca o bordato, a talla de fusta y os ornamentos de metal.
Luenga En l'este charran o erzya y en l'ueste charran o maksha, que d'alcuerdo con bels puntos de vista no son intelichibles entre ellos y serían luengas diferents. S'escriben en alfabeto cerilico.
Relichión Fuoron convertitos a la relichión cristiana ortodoxa entre os sieglos XVI y XVII. A cristianización d'os mordovins estió superficial.
Historia A primera referencia d'os mordovins ye d'o sieglo VI. Entre os sieglos XIII y XV yeran sozmesos por os tartaros d'o Khanato d'a Horda d'Oro. Dimpués d'a caita de Kazán en 1552 o suyo territorio se convertió en part de Rusia y as tierras d'os mordovins fuoron repartitas entre propietarios rusos.
Con a reforma agraria de 1861 a muitos mordovins lis deixoron parcelas muito chicotas y mes de 100.000 mordovins fuoron reasentatos en os Urals y Siberia.
Bibliografía Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.
Categoría:Pueblos finicos Categoría:Etnias de Rusia