A Guerra d'Hibierno (en finés talvisota, en sueco vinterkriget, en ruso Зимняя война) ye un conflicto armato entre Finlandia y a Unión Sovietica (URSS) que se produció antes que encomenzase a Segunda Guerra Mundial en o frent oriental.
Dimpués d'a ocupación de Polonia oriental por as tropas sovieticas, a URSS desichió a os países balticos vecins a concesión de territorios que permetesen asegurar militarment a situación de Leningrado.
Finlandia refusó a desichencias, por o que en noviembre de 1939 300.000 soldatos sovieticos invadioron Filandia. As tropas finlandesas derrotoron a los rusos dos vegatas en Suomussalmi o 31 d'aviento de 1939 y o 8 de chinero de 1940. Sindembargo l'Exercito Royo sovietico penetró finalment en Carelia. As accions de fustigamiento d'as unidaz liucheras d'esquiadors finlandeses y un frido intenso impidió o suyo abance y dica los obligó a retacular, pero finalment l'exercito finlandés se desgastó, teneba poca aduya y remató perdendo a iniciativa a principios de febrero.
O 14 de marzo os sovieticos prenioron o itsmo de Viborg y siguioron o suyo abance. Finlandia habió de solicitar a paz, y por o Tractau de Moscú d'o 12 de marzo de 1940 habió de ceder a la URSS o itsmo de Carelia con Viborg incluyiu, as costas septentrionals d'o Lago Ladoga André Sellier, Jean Sellier: Atlas de los pueblos de Europa Central. Acento editorial, p 54., a part occidental d'a peninsula de Rybachy, a rechión de Salla, y as islas de Gogland, Tytärsaari, Lavansaari, Peninsaari y Seiskari en o Golfo de Finlandia. Por este tractau a peninsula de Hanko fue arrendada a la URSS por 30 anyadas pa que i construisen una base militar.
Referencias
Vinclos externos