Solimán o Magnifico estió o soldán de l'Imperio Otomán entre 1520 y 1566. Ye naixito de Trapisonda o 6 de noviembre de 1494 y morió o 6 u 7 de setiembre de 1566. Fue conoixito como Solimán o lechislador por os musulmans y Gran Turco en os países occidentals. Yera fillo de Selim y se casó con tres mullers, una d'ellas Roxolana.
En os suyo reinau l'Imperio Otomán plegó a lo suyo apocheu, plegando a la suya mayor expansión territorial luitando contra dos potencias enemigas principals: l'Imperio Austriaco d'os Habsburgo y os Sefevidas.
Solimán dimpués de derrotar en Mohacs en 1526 a los hongaros establió a sobiranía otomana en o centro d'Hongría y en Transilvania. Ferrando d'Habsburgo se convertió en rei d'Hongría contraatacó en bellas ocasions pero no consiguió que recuperar a parte occidental d'o Reino d'Hongría.
En a decada de 1530 s'enfrontoron a flotas d'os Habsburgo y a flota d'os otomans mandata por Jair ed-Din (Barbarroya). A paz de 1562 confirmó a supremacía d'os otomans en a Mediterrania oriental.
En 1526-1527 esclatoron grans revueltas yelaís entre os turcomans. En 1533 Solimán encomenzó una campanya y ocupó Azerbaichán, pero o Xah Tahmasp eludió o combate. Solimán alavez atacó Bagdad y la prenió aproveitando que os sunnís se revelasen contra os sefevidas chiitas. Bagdad fue anexionata en 1534 y dimpués Basora en 1547. Amés os otomans recuperoron Erzurum y Van en Armenia u Anatolia Oriental. Dimpués d'atras espedicions inutils en Azerbaichán en 1555 firmó a paz d'Amasía con os sefevidas con una primera delimitación oficial entre os dos imperios.
Vinclos externos
Categoría:Muertos en Szigetvár Categoría:Naixius de Trapisonda Categoría:Soldans de l'Imperio Otomán Categoría:1494 (naixencias) Categoría:1566 (muertes)