Val de Meca (Valdemeca en castellano) ye un municipio de Castiella-La Mancha, situau en la provincia de Cuenca. La suya población ye de 91 habitants (2015), en una superficie de 70 km² y una densidat de población de 1,26 hab/km².
Cheografía La localidat de Val de Meca ye a piet de la sierra de Val de Meca. Lo río de Val de Meca y uns afluents suyos de la marguin ezquierda desauguan esta sierra. Este río traviesa la localidat homonima y s'adreza enta lo nord-ueste pa cayer en Xúcar cerca de Huélamo.
Mugas Lo termin municipal de Val de Meca muga a l'ueste con una prolongación de lo termin municipal de Cuenca y con Huélamo, a lo norte muga con la prolongación de lo termin municipal de Cuenca que plega dica Val Tablau, a lo norte y nord-este con La Zafriella, a l'este con Laguna de Bernaldet, a lo sud-este con Huerta del Marquesado, y a lo sud-ueste con Valdemoro-Sierra.
Parla Lo lexico popular d'intrés etnografico de Val de Meca se conoix relativament bien por figurar esta localidat en l'ALEANR, con la sigla Cu 200.
Referencias
Categoría:Localidaz d'a provincia de Cuenca