KOP ye un grupo de musica hardcore punk, metal y ubierto a lo Crossover orichinario de Celrà (Chirona, Catalunya). Creyato en 1998, a partir d'o grupo de hardcore Speereth, d'o que se mantenioron tres miembros, J, Josep y Txero. Se caracteriza por a suya critica social y politica en as suyas parolas, plenas de rabia y compromís. Kop canta en basco, catalán y castellano.
O primer disco d'o grupo, Internacionalista, salió a lo mercato en 1999, y o tema mas conoixito estió Freedom, a on i participaba Fermín Muguruza, gran amigo d'o grupo.
O 2001 estió lo millor y o pior anyo ta Kop. D'una man amaneixe o suyo disco Ofensiva, con sonitos mas techno, pero igual de contundents y ixe mesmo verano teloneyan a Soulfly, o grupo de Max Cavalera, ex-cantaire de Sepultura.
Pero a prencipios de setiembre, o grupo queda en standby debito a la detención de Juanra, cantaire d'o grupo, acusato de pasar información a lo Comando Barcelona d'ETA sobre Pedro Varela, propietario d'a librería Europa y líder d'o grupo neonazi CEDADE. Fue meso en busqueda y captura por a Guardia Civil, en chinero d'o 2002 ye preso en os Países Baixos. Ye extraditato, chuzgato en Madrid y condenato a cinco anyos de presón por colaboración con Grupo Armato.
Ixe anyo, en cuentas de cancelar os suyos conciertos, o grupo actua sin d'o suyo cantaire, pero acompanyatos por numerosos amigos d'atros grupos.
Dimpués d'uns anyos d'obligato silencio, en 2007 saca a la carrera un nuevo disco, Nostrat, a on a metat d'o temas son nuevos, acompanyatos por a voz de Fernando, de El corazón del Sapo y Kuraia, y l'atra metat de disco son temas clasicos d'o grupo, reinterpretatos por artistas como Revolta 21, Berri Txarrak u Banda Bassotti, entre d'atros.
En mayo de 2007, Juan Ramon Rodríguez sale en libertat. Posteriorment, Juanra, fa parti de bels conciertos de diferents grupos amigos como los bascos Berri Txarrak u en Sarrià del Ter con Obrint Pas en o concierto solidario con os imputatos por a crema de fotografías d'os reis d'Espanya.
Albums Ez Etsi (Single) 1. No te rindas 2. Ofensiva 3. No se sap mai (directo, Bilbau)
Internacionalista (1999) 1. Boykot 2. Kop 3. No se sap mai 4. Leitmotiv 5. M.R.T.A. 6. Pedres 7. Segle XXI 8. Golpe radikal 9. Freedom 10. Desalojos son disturbios 11. Des del teu record
Ofensiva (2001) 1. Solidari@S 2. No te rindas 3. Ofensiva 4. Atxantate 5. Fuck the rules 6. Utzi Bakean 7. És control 8. La tormenta 9. Izotza
Nostrat (2007) 1. Repli (k) 2. Guerrilla de la comunicació 3. Idearis Nostrats 4. Tornarem a lluitar junts 5. Tu voz estalla dentro 6. Boykot - Revolta 21 7. Sols el poble salva al poble - Berri Txarrak 8. Utzi bakean – Banda Bassotti 9. Desalojos son disturbios - Boikot + Obrint Pas + Voltor 10. Camí ral - kop + Tipuaixí 11. Izotza - Afrika 12. Golpe radikal - DJ Merey (Pirat's Sound Sistema) 13. Freedom - Xerramequ Tiquis Miquis
Vinclos externos Pachina web oficial d'o grupo Antiga pachina web oficial d'o grupo Pachina de Propaganda pel fet Noticia sobre Juan Ramón Rodríguez Fernández Entrevista en El Diario de Peter Punk Kop en Indyrock Pachina de refirme a JuanRa Rodríguez
Categoría:Grupos de musica en catalán Categoría:Grupos de musica en basco Categoría:Grupos de hardcore punk Categoría:Grupos de thrash metal