El Portichuelo d'Orich (en castellano Puerto Eliche) estió una aldeya de la Comunidat de Daroca y que perteneixió a la seixma de Trassierra.
Historia Los habitants d'el Portichuelo d'Orich pagoron colacions chunto con los habitants de Fuent Buena a la ilesia de Sant Miguel de Daroca encara lo sieglo XVII. Pascual Diarte Lorente: Presencia, poder e influencia de la Iglesia en el valle medio-alto del Jiloca y tierras aledañas. Xiloca: revista del Centro de Estudios del Jiloca, nº 20, 1997, pp 77-105. ISSN: 0214-1175.
Toponimia Ha recibiu diferents denominacions en diferents textos, sin diminutivo -uelo, con diminutivo u simplament con diminutivo pero sin l'apelativo d'Orich.
La primera mención ye de 1205, cuan lo bispe Remón de Castrocol adchudicó las decimas y primicias de las aldeyas de Daroca a diferents ilesias d'esta ciudat. Lo bispe adchudicó las decimas d'el Portichuelo d'Orich y d'atra aldeya dita tamién "puerto" a la Ilesia de Sant Miguel de Daroca:
S'escribe latinizau como Portus de Orrich en Rationes decimarum Hispaniae (1279-80), mamimenos tamién lo mencionan como El Puerto: José Rius Serra: Rationes decimarum Hispaniae (1279-80): Aragón y Navarra. CSIF 1946.
S'escribe Portixuelo en lo "Libro de la manifestación de lo morabetín de las aldeyas de la ciudat de Daroca" de 1373.
En 1399 se mencionaba como Portuxello de Orich en lo texto de venda de la pardina de Camaras:
En un texto de 1560 mencionan Puerto Oriche en un texto a on los habitadors de Cucalón deciban las defesas que teneban:
En l'anyo 1798 encara ye mencionau Puerto Eliche por Ignacio de Asso, y cualques habitadors de Cucalón identifican lo microtoponimo Puerto Oriche en la partida de Loma Plana u La Plana. José Miguel Simón Domingo: La Sierra de Oriche. Revista Oriche, 40-41, 20-30 de chulio.
Referencias
Bibliografía Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.
Categoría:Despoblaus medievals d'a provincia de Teruel Categoría:Lugars desapareixius de Cucalón