Roberto Fabián Ayala naixito de Paraná (Archentina) o 12 d'abril de 1973 ye un futbolista archentino que actualment ye retirato y que chugó en o Real Zaragoza dende 2007 dica 2010.
Biografía Ayala ye archentino, encara que tamién tien nacionalidat italiana. Chuga d'esfensa central y o suyo primer equipo estió Ferro Carril Oeste. Como su pai tamién se diz Roberto Ayala, él prefiere que li digan Fabián Ayala.
Se formó en as categorías inferiors d'o Ferro Carril Oeste dica 1992, anyo que pasó a fer parti d'a primera plantiella. Debutó en a primera división archentina o 23 de febrero de 1992 en o partiu Ferro Carril Oeste 2 - Belgrano de Córdoba 1.
En 1994 fichó por o River Plate. Con iste equipo ganó lo Torneyo Apertura ixe mesmo anyo.
En 1995 fichó por o Nápols d'a Serie A italiana.
En 1998 fichó por l'AC Milan. En a suya primera temporata en o suyo nuevo club se proclamó campión d'a liga italiana.
En 2000 o Valencia CF se fació con os suyos servicios. Con iste equipo plegó a la final d'a Liga de Campions de 2001 y ganó dos ligas y una Copa d'a UEFA. En a temporata 2004-2005 un par de lesions fación que no chugase a mayor parti d'a liga.
En 2007, Ayala fichó por o Villarreal CF pero no chugó garra partiu con o equipo amariello, ya que o 14 de chuliol d'o mesmo anyo, o Real Zaragoza pagó os seis millons d'euros d'a suya clausula de rescisión ta fichar-lo.
Selección nacional Debutó como internacional con a selección archentina o 16 de noviembre de 1994 en o partiu Chile 3 - Archentina 0.
Tamién chugó con a selección olimpica que ganó a medalla d'oro en os Chuegos Olimpicos d'Atenas 2004.
Clubs Ferro Carril Oeste – 1992-1993. Club Atlético River Plate – 1994-1995. SSC Napoli – 1995-1998. AC Milán – 1998-2000. Valencia CF – 2000-2007. Real Zaragoza - 2007- 2010. Racing Club de Avellaneda - 2010.
Títols Nacionals 1 Liga archentina (Torneyo Apertura), River Plate, 1994. 1 Liga italiana, AC Milan, 1998-1999. 2 Ligas espanyolas, Valencia CF, 2001-2002 i 2003-2004.
Internacionals 1 Copa d'a UEFA, Valencia CF, 2003-2004. 1 Supercopa d'Europa, Valencia CF, 2004. Medalla d'oro en os Chuegos Olimpicos, Selección argentina.
Participacions en a Copa d'o Mundo Francia 1998: 5 partius. Corea e Chapón 2002: 0 partius. Alemanya 2006: 5 partius, 1 gol.
Vinclos externos Web Oficial d'Ayala. Ayala en www.lfp.es. Estatisticas d'Ayala con a selección archentina (RSSF).
Categoría:Archentinos d'ascendencia basca Categoría:Futbolistas d'Archentina Categoría:Futbolistas d'Archentina en os Chuegos Olimpicos de 1996 Categoría:Futbolistas d'Archentina en os Chuegos Olimpicos de 2008 Categoría:Futbolistas d'a selección masculina de fútbol d'Archentina Categoría:Futbolistas de River Plate Categoría:Futbolistas de l'AC Milán Categoría:Futbolistas d'o Valencia CF Categoría:Futbolistas d'o Real Zaragoza Categoría:Futbolistas d'o Real Zaragoza en os anyos 2000 Categoría:Futbolistas d'o Real Zaragoza en os anyos 2010 Categoría:Medalla d'oro en os Chuegos Olimpicos Categoría:Medalla d'archent en os Chuegos Olimpicos Categoría:Medallistas olimpicos d'Archentina Categoría:1973 (naixencias)