O Molimento Natural d'as Glaciars Pirenencos ye un molimento natural d'Aragón que fa parti d'o rete d'espacios naturals protechitos.
O molimento natural se declara en l'anyo 1990 ta protecher os glaciars pirenencos y s'enampla en l'anyo 2002 dica las actuals 3.190 ha. d'amplaria y as 12.897 ha. incluyindo a Zona Periferica de Protección.
Se troba entre os 2700 y os 3000 metros d'altaria en os siguients macizos: Macizo de Pico Moros (Sallent de Galligo) Macizo de l'Infierno (Pandicosa y Sallent de Galligo) Macizo de Camachibosa (Torla) Macizo de l'Almunia (Bielsa) Macizo de Posets (Sant Chuan de Plan, Sagún y Benás) Macizo de Perdiguero (Benás) Macizo de la Maladeta (Benás y Montanui) Macizo d'as Tres Serols (Bielsa y Fanlo)
Se i pueden trobar amás d'os grans volumens de chelo, atras morfolochías singulars d'os glaciars como as morrenas, os ibons y as bacías. Beluns d'istos glaciars conoixioron una expansión mientres la chicota edat de cheloFernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001., pero actualment son en proceso de desaparición total.
O clima extremo fa que no sían muitas as especies animals y vechetals que se troban en istos glaciars, nomás bels sarrios (Rupicapra pyrenaica) y perdices nivals (Lagopus muta) y tamién o guardafuents pirenenco (Calotriton asper), especie endemica d'istas tucas.
Atras feguras de protección thumb|250px|left|Glaciar d'a Maladeta Coinciden en parti con o Molimento Natural atras feguras de protección: Parque Natural de Posets-Maladeta Parque Nacional d'Ordesa y d'as Tres Serols ZEPA de Posets-Maladeta PIC Capecera d'o Río Aguas Limpias PIC Alta Cinca, Ordesa-Comachibosa PIC Buixaruelo y Foz d'os Navarros PIC Posets-Maladeta PIC Puertos de Pandicosa, Bramatuero y Brazato PIC Alta Val d'a Cinca Reserva d'a Biosfera Ordesa-Comachibosa
Referencias
Vinclos externos Molimento Natural d'os Glaciars Pirenencos. Gubierno d'Aragón GEA. Espacios Naturals Protechitos d'Aragón
*