L'abetCon a variant abete. u pinabetCon a variant pinabete. () ye a especie d'abet mes estendillata por Europa Central y Occidental y forma selvas en o piso montano d'os Pireneus.

Descripción Por un regular poseye un porte regular, conico-piramidal, con tallo recto y cuasi cilindrico y ramas aparents en verticilos que tienen a la posición horizontal. A suya ramificación abundant y densa creya una sombra muito espesa.

As aciclas de l'abet se situan con una traza helicoidal en as brancas, encara que en especial as aciclas inferiors se disposan en un mesmo plan por torsión d'o peciolo como un doble peine, (d'astí l'atro nombre cientifico d'esta especie, A. pectinata). A disposición en doble peine se conoix como disposición distica y permite aproveitar millor a enerchía luminica, important en zonas en as que habita con muitos días nublos, con boira u con cellos.

As pinyas maturas (setiembre-octubre) se desfan por a caita d'as bractias y escatas, como en as atras especies d'o chenero. Por ixo en hibierno no queda que l'eixe espullato sobre as brancas, (dimpués caye). As pinyas completas en o suelo no se troban guaire a sobén.

Ecolochía Ye un árbol de climas fridos y humidos, con part d'a precipitación en forma de nieu. Precisa d'humidat edafica regular tota l'anyata, y en verano si no pleben 300 mm creyando prou humidat edafica li cal que hi haiga humidat ambiental, d'astí que se trobe en zonas con clima d'influencia atlantica.

Encara que aguante bien os fridos d'hibierno, li perchudican as chelatas tardanas en o preriodo de creiximiento anyal en abril u mayo.

Ocupa suelos variatos, con diferent grau d'aceteza, pero prefiere suelos profundos y frescos, soportando que s'embadinen en cierta mesura. L'abet contribuye a acidificar o suelo cuan se descomponen as aciclas.

A cherminación y desarrollo d'os pinyons precisa d'una sombra densa, y l'abet no puet colonizar que suelos ya cubiertos con vechetación baixo árbols u arbustos. L'abet ya adulto puet aguantar a insolación caracteristica de l'alta montanya pirenenca.

Notas

Referencias

Vinclos externos

Alba Categoría:Árbols presents en Aragón Categoría:Flora d'Europa Categoría:Flora d'os Pireneus