Iste articlo ye sobre a planeta Urano, ta atros usos d'iste termin se veiga Urano.

Urano ye a setena planeta dende o Sol, a tercera mas gran y a cuatrena mas masiva d'o Sistema Solar. "Urano" en a pachina web d'a NASA Se clama asinas en honor a la divinidat griega d'o cielo Urano (en griego Οὐρανός) o pai de Cronos (Saturno) y o lolo de Zeus (Chupiter). Encara que ye visible a lo uello humán como as atras cinco planetas clasicas, nunca no fue reconoixito como planeta por os observadors antigos debito a la lentitut d'a suya orbita.MIRA's Field Trips to the Stars Internet Education Program. Monterey Institute for Research in Astronomy Sir William Herschel anunció lo suyo descubrimiento lo 13 de marzo de 1781, expandindo asinas os limites conoixitos d'o Sistema Solar por primera vegata en a historia moderna. Tamién estió lo primer descubrimiento d'una planeta emplegando un telescopio.

Caracteuristicas Urano ye parellán en composición a Neptuno, y os dos tienen una composición diferent d'as atras dos chigants gaseosas (Chupiter y Saturno). Por ixo, os astronomos a vegatas las clasifican en una categoría diferent, as chigants chelatas. L'atmosfera d'Urano, encara que ye parellana a la de Chupiter y Saturno por o feito d'estar composata prencipalment d'hidrocheno y helio, contiene una proporción superior de chelos, como augua, amoniaco y metano, chunto con trazas d'hidrocarburos. Tien l'atmosfera planetaria mas freda d'o Sistema Solar, con una temperatura minima de 49 K (−224 °C). Tien una estructura de nubles complexa, por rans, a on que se creye que as nubles mas baixas son d'augua, y as mas altas de metano. Lunine, Jonathan. I.. «The Atmospheres of Uranus and Neptune». Annual Review of Astronomy and Astrophysics, vol. 31, pàg. 217–263. En contraste, l'interior d'Urano se composa prencipalment de chelo y roca. Podolak, M.; Weizman, A.; Marley, M.. «Comparative models of Uranus and Neptune». Planet. Space Sci., vol. 43, 12, pàg. 1517–1522.

Como as atras planetas chigants, Urano tien un sistema d'aniellos, una magnetosfera, y numerosos satelites. O sistema d'Urano tiene una configuración unica respective a las atras planetas porque o suyo eixe de rotación ye muit tombato, cuasi dica o suyo plan de revolución arredol d'o Sol. Por tanto, os suyos polos norte y sud se troban a on la mayoría d'as atras planetas tienen o ecuador. Smith, B.A.; Soderblom, L.A.; Beebe, A.; et.al. Voyager 2 in the Uranian System: Imaging Science Results. Science, 233. 1986] Vistos dende a Tierra, os aniellos d'Urano pueden pareixer que rodian a planeta como una diana, y que os satelites chiran a lo suyo arredol como as agullas d'un reloch, encara que en 2007 y 2008, os aniellos apareixioron de costato. En 1986, as imáchens d'o Voyager 2 amostroron Urano como una planeta sin garra caracteristica especial en a banda de luz visible, sin as bandas de nubles u tempestatz asociatas con os atros chigants. Manimenos, os observadors terrestres han visto sinyals de cambios d'estación y un augmento de l'actividat meteorolochica en os zaguers anyos a mida que Urano s'amana a lo suyo equinoccio. As velocidaz d'o viento en Urano pueden plegar dica os 250 metros por segundo (900 km/h). Sromovsky, L.A.; Fry, P.M.: Dynamics of cloud features on Uranus. Icarus, 179. 2005

Satelites Urano tien 27 lunas conoixidas. Os suyos nombres son triaus d'obras de Shakespeare y Alexander Pope. Asinas, os cinco mayors satelites son Miranda, Ariel, Umbriel, Titania y Oberón. Atros satelites son: Belinda, Bianca, Calibán, Cordelia, Cresida, Cupido, Desdemona, Francisco, Ferdinando, Chulieta, Mab, Margalida, Ofelia, Perdita, Porcia, Prospero, Puck, Rosalinda, Setebos, Sicorax, Stefano y Trinculo.

Aniellos Tien 13 aniellos estreitos componius per chislas extremadament foscas. Se creye que son aniellos muito chóvens formaus per a desintegración d'una antiga luna.

Exploración O 24 de chinero de 1986 a sonda d'a NASA Voyager 2 realizó un sobrevuelo amanando-se a 81500 km d'a superficie d'Urano.

Urano en a cultura popular

O Uranio, elemento quimico descubierto en 1789 per o quimico alemán Martin Heinrich Klaproth, estió nombrau dimpués d'o escubrimiento d'a planeta Urano.

A Operación Urano, estió una exitosa operación militar d'a Segunda Guerra Mundial liderada per o exercito sovietico, pa recuperar Stalingrado, que suposó un momento decisivo en a guerra contra las fuerzas armadas alemanas.

Se veiga tamién Aniellos d'Urano. Satelites d'Urano.

Referencias

Vinclos externos

Categoría:Sistema Solar Categoría:Planetas