Iste articlo ye sobre una unidat derivata de fuerza d'o Sistema Internacional d'Unidaz. Ta atros usos se veiga Newton.
thumb|right|220px|O newton fue nombrato en honor a lo cientifico anglés Isaac Newton, conoixito por os suyos treballos sobre a gravitación, a optica, o calculo Bardi, Jason Socrates. The Calculus Wars: Newton, Leibniz, and the Greatest Mathematical Clash of All Time. (2006). 277 pp. y a mecanica newtoniana.Westfall, R. S. "Force in Newton's Physics: The Cience of Dynamics in the Seventeenth Century". Londres, Macdonald. 1971
O newtonSeguntes as normas d'o Sistema Internacional d'Unidaz o nombre s'ha d'escribir con letras minuclas. ye una unidat derivata de fuerza d'o Sistema Internacional d'Unidaz (SI). O suyo simbolo ye N y recibió lo suyo nombre en honor d'Isaac Newton, en reconoiximiento a los suyos treballos en mecanica clasica. Fue emplegato por primera vegata arredol de l'anyo 1904, pero no estió dica 1948 cuan o newton fue adoptato oficialment por a Conferencia Cheneral de Pesos y Mesuras (CGPM) como nombre ta la unidat de fuerza mks.
Definición O newton ye a unidat de fuerza d'o SI, ye una unidat derivata ya que se define en función d'atras unidaz. Un newton ye igual a la cantidat de fuerza necesaria en o vueitoDorland's Medical Dictionary for Health Consumers (2007). Publicato por Saunders, una imprenta d'Elsevier. Se puet veyer a suya definición de "newton" astí. ta dar a una masa d'un quilogramo una acceleración d'un metro por segundo cada segundo.Se veiga, por eixemplo, Alonso, M.; Finn, E. J.: "Física". Addison-Wesley. Bogotá. 1995
Isto se puet expresar matematicament como:
Ya que o peso ye una mesura d'a fuerza entre dos obchectos debita a la gravedat, o newton ye tamién una mesura d'o peso, valida en un punto dato.O peso varía seguntes a localización porque a gravedat no ye uniforme. Una masa d'un kilogramo tien un peso d'alto u baixo 9,81 newtons. A lechenda diz que Isaac Newton s'inspiró en a caita d'una mazana ta desarrollar a suya teoría d'a gravitación y por una coincidencia curiosa o peso d'una mazana chicota ye alto u baixo un newton: un obchecto d'una masa de 101,94 gramos pesa 1 newton en a superficie d'a Tierra."Lo que revela la caida de una manzana" Aula de El Mundo
En o lenguache común, no cientifico, gosa confundir-se a masa, que se mesura en kilogramos, con o peso, que s'ha de mesurar en newtons. Sabendo que una masa d'un kilogramo pesa alto u baixo 10 N en a superficie d'a Tierra (9,81 N ye a valor que s'emplega por un regular si se considera que l'acceleración d'a gravedat, g, ye de 9,81 m/s2), se puet admitir que 1 kilogramo-fuerza ye alto u baixo equivalent a 10 N.
Multiplos
Multiplo Nombre Simbolo Multiplo Nombre Simbolo 100 newton N 101 decanewton daN 10−1 decinewton dN 102 hectonewton hN 10−2 centinewton cN 103 quilonewton kN 10−3 milinewton mN 106 meganewton MN 10−6 micronewton µN 109 giganewton GN 10−9 nanonewton nN 1012 teranewton TN 10−12 piconewton pN 1015 petanewton PN 10−15 femtonewton fN 1018 exanewton EN 10−18 attonewton aN 1021 cettanewton ZN 10−21 ceptonewton zN 1024 yottanewton YN 10−24 yoctonewton yN
Eixemplos 1 N ye a fuerza d'a grabedat d'a Tierra sobre un obchecto con una masa d'alto u baixo 102 g (como una chicota mazana). Ye habitual veyer fuerzas exprisatas en kilonewtons u kN, en que 1 kN = 1.000 N. A potencia d'a mosegada d'os animals se puet expresar en newtons: Se calcula que a variella de l'alosaurios podeba fer una fuerza d'entre 805 y 2.148 N. Manimenos, o cranio yera prou fuerte como ta resistir bels 55.500 N de fuerza vertical contra os dients, de traza que ye muit probable que iste dinosauro aprofeitase a fuerza d'o cranio ta matar y minchar as suyas presas. Os aligators pueden fer una fuerza de mosegada d'alto u baixo 13.000 N. Os lions pueden mosegar con una fuerza de bels 4.167 N, y os leopardos con una fuerza de bels 2.268 N. Os codetes acceleradors solidos d'os trasbordadors espacials proporcionan una fuerza de 12.500.000 N cadagún mientres o lanzamiento, cosa que representa o 83% d'a empenta total necesario ta o lanzamiento. O motor d'a sonda espacial Mariner 4, a primera en sobrevolar o planeta Marte con exito,"Mariner IV - First Flyby of Mars: Some personal experiences". Momsen, Bill. 2006"Mariner IV - First Flyby of Mars: Some personal experiences". Momsen, Bill. 2006 feba una fuerza d'empenta de 222 N. A primera etapa d'o codete Saturn V feba una fuerza d'empenta de mas de 34 millons de newtons. A segunda etapa, d'atra man, teneba una fuerza d'empenta de 5,1 millons de newtons, y a tercera etapa 1,0001 millons de newtons.
Uso habitual d'os kilonewtons en a construcción A sobén os kilonewtons se fan servir ta reflectar a valura de subchección de seguridat de ganchos, y atras ainas d'a industria d'a construcción. Steel fasteners. Shakshi Enterprises Tamién s'emplega en as especificacions d'o equipamiento d'alpinismo. Se pueden anunciar en KN (kilonewtons) tanto a carga de treballo segura en referencia a la tensión mecanica y a tensión tallant.
1 kN equibale a una carga de 101,97162 kilogramos, pero multiplicar a valor en kilonewtons por 100 tamién ye un buen metodo de calculo. Convert kilonewtons to kilograms-force - Conversion of Measurement Units. ConvertUnits.com
Notas
Referencias
Se veiga tamién Dinamometro, un instrumento de mesura utilizato en a industria ta mesurar a fuerza. Joule, una unidat d'enerchía que mesura a cantidat de treballo feito por una fuerza d'un newton a lo largo d'un metro. Magnitud fisica Pascal, una unidat de presión equivalent a un newton por metro cuadrato. Sistema Internacional d'Unidaz (SI)
Vinclos externos Web sobre a vida d'Isaac Newton, con información y problemas practicos sobre a unidat de mesura prencipals unidaz de mesura d'o Sistema Internacional Web d'a Conferencia Cheneral de Pesos y Mesuras Definición de Newton en NationMaster, a on que da equivalencias con atras unidaz. Definición de Newton en a Enciclopedia Britanica.
Categoría:Unidaz derivadas d'o Sistema Internacional