thumb|right|200px|Contimparacion de midas entre un ser humano y diferents especies de tiburons actuals y prehistoricas. En a zona superior se i vei una referencia de mesura en metros. A mida Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, , p.37 ye la magnitut u dimensión d'un obchecto u elemento. Puet referir-se a la largaria, amplaria, altaria, diametro, perimetro, aria u volumen. As midas se mesuran u se miden en unidaz de mesura.
A diferencia de significau entre «mida» y «mesura» en aragonés ye mas ambigua que en atras luengas romances con estándard mas asentau, como lo catalán, en o cual o estándard marca un sentiu de tamanyo pa la parola «mida» mientres que reserva «mesura» pa l'acción de mesurar y pa las unidaz en que se fa esto. Con este significau pareix que trobamos a parola mida en textos historicos de la val d'Ebro y en o vocabulario aragonés de Juan Moneva, que en os anyos 1920 la documentaba asinas en Zaragoza, Ribera de Xalón, en Blesa y en Cabanyas d'Ebro. MONEVA y PUYOL, Juan, Vocabulario de Aragón; Institución «Fernando el Católico» + Prensas Universitarias de Zaragoza + Xordica Editorial. Zaragoza, 2004.
Manimenos, a parola s'emplega en Sobrarbe y Ribagorza tamién con o sentiu mesmament d'unidat de mesura, en especial as tradicionals: as «midas» aragonesas como o cuartal, o nietro, a vara, a libra, l'arroba, etc. TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999.
Exprisions
Dar la mida: MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. Tener a mida chusta u suficient pa un menester. En sentiu literal: «Ixe barbo no da la mida, ya lo puez tornar a'l río». En sentiu figurau: «Y dices que se quiere presentar a alcalde? Ixe no da la mida!». Tomar midas: Mesurar. «Pos si este ye el forato pa l'almario, ya tomaré midas.», «Ya l'has tomau a mida a'l caixón?» , etc. Tamién se diz tomar mesuras. Fer a mida: Fer una cosa con a mida chusta, p. ex. como lo fa un sastre. «La camisa y la chaqueta le'n von fer fer a mida.» Buena mida: Cantidat abundant y sin mesurar: «Boh, panizo, estianyo en tendremos buena mida.» Pasar de mida: Meter excesiva cantidat. «T'has pasau de mida con l'azúcar.» No trobar/tener ni mida ni estrimo BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. : No pensar as parolas que se diz u dicir cosas sin sentiu.
Se veiga tamién
Unidat de mesura. Mesura.
Referencias
Categoría:Metrolochía Categoría:Glosarios y tablas