Manuel Ramón Campo Novillas (Samianigo, 1968), diplomato en machisterio por a Universidat de Zaragoza, en o Campus de Uesca, do ye profesor de Comunicación oral e Literatura en aragonés. Manuel Ramón Campo Novillas. Treballa tamién de mayestro de aragonés achustato por o Gubierno de Aragón, ha treballato fendo clases en Sobrarbe, en a Chacetania e agora en l'Alto Galligo. Ye miembro d'o Consello d'a Fabla Aragonesa.
Escritor en aragonés, o mas prolifico en l'actualidat, con bels mil relatos publicatos en prensa, ye premiato en bels concursos altoaragoneses como "A Carracla" u Premio de Relatos "Luis del Val". Publica tamién articlos en aragonés en a revista Erata de Biescas.
D'entre a suya obra de literatura infantil y chovenil, destacan os relatos curtos: "Toz semos parellanos" (2002), "A ixena" (2002), "Banzo" (2003), "O biello caxico" (2005), "A ulor" (2006), "A broxa e lo diaple" (2007), "Una istoria de onsos" (2009), "No en tienen prou" (2011) u "Balaitús e Cubililla" (2016). Ye coautor de Guía de flores pirenaicas para niños y niñas (2011). Ha coordinato o libro-diccionario infantil L'orache (2016).
Ha publicato dos libros chovenils como Falordietas (2005) e Flor de Falordias (2015);Flor de Falordias en a Editorial Pirineo. os textos provienen d'una tría d'os que semanalment publica o pediodico chaqués El Pirineo Aragonés do colabora totas as semanas con un articlo en aragonés (mas de mil colaboracions publicatas), de contino dende 1998.
Obra Falordietas, Comarca Alto Galligo, (2005). Flor de Falordias, Editorial Pirineo, (2015).
Referencias
Categoría:Alumnos d'a Universidat de Zaragoza Categoría:Escritors d'Aragón Categoría:Escritors en aragonés Categoría:Naixius de Samianigo Categoría:Profesors d'a Universidat de Zaragoza Categoría:1968 (naixencias)