O Campo de Cartachena (en castellano Campo de Cartagena) ye una comarca natural d'o Reino de Murcia que corresponde a lo sud-este peninsular (cabo de Palos) y con capital en a ciudat de Cartachena. Ye formata por os municipios de Cartachena, Fuente Álamo y La Unión, con una población total de 241.547 habitants, d'os cuals 199.571 viven en o municipio de Cartachena. Muga por o norte con a Mar Menor y a Huerta de Murcia, por l'este con o Baixo Guadalentín, por l'ueste con o Baixo Segura (País Valenciano) y por o sud con a Mediterrania.
Conoixito por os romanos como Campus Espartarius, ha estau dende siempre un puesto d'excelencia menera, mas que mas en a ciudat de La Unión, dica la decada de 1940. Dende a decada de 1960 se caracterizó por una forzata industrialización siderometalurchica en l'aria d'a capital, Cartachena, y a vecina Escombreras. Actualment o Campo de Cartachena ye un d'os prencipals productors d'hortalicias, con una industria agroalimentaria muit desarrollata en Torre Pacheco.
Polemica con a mar Menor thumb|left|Comarca natural d'o Campo de Cartachena, seguntes os cartacheneristas Encara que por un regular se da por feito a existencia d'ista comarca, a suya valideza ye muit descutita por sectors provincialistas cartacheners, os cuals opinan que a mar Menor fa parti d'a comarca d'o Campo de Cartachena. Ixo se debe a lo feito de que, efectivament, en muitas comarcalizacions realizatas en a provincia murciana, a Mar Menor feba parti d'o Campo de Cartachena. Amás, os municipios marmenorenses siempre han feito parti activa en l'aria d'influencia d'a capital cartachenera. O cartachenerismo demanda la creyación d'una provincia ta o Campo de Cartachena y a Mar Menor.
O municipio de Mazarrón tamién fa parti historicament d'a Comarca d'o Campo de Cartachena.
Se veiga tamién Comarca d'a Mar Menor Cartachenerismo
Campo de Cartachena