Idioma serbio (en serbio српски језик/srpski jezik) ye a denominación que recibe oficialment a variant estandardizada d'o continuum dialectal serbocroata que fa servir o pueblo serbio en Serbia, Bosnia y Herzegovina, Montenegro, Macedonya d'o Norte, Rumanía, Croacia y atros estaus mugants. Ye a luenga oficial de Serbia y una d'as luengas oficials de Montenegro y de Bosnia y Herzegovina.
O estándard serbio se basa sobre tot en a parla d'Herzegovina, que fa part d'o dialecto xtokavisco, igual como os estándards croata, montenegrín y bosnio, tamién denominacions locals de variants estandardizadas d'o serbocroata. Muitos d'os parlants nativos no son comodos con a denominación "serbocroata" y prefieren as denominacions relativas a las nacionalidaz a las que perteneixen. L'idioma serbio ye una luenga eslava meridional que s'escribe tanto en alfabeto cerilico como en alfabeto latino con uns diacriticos ampraus d'o checo.
Referencias
*