A Puerta d'o Carmen yera una entrata d'a ciudat de Zaragoza en o sieglo XVIII y se fació famosa en os Seches de Zaragoza. Ye d'estilo neoclasico y yera una d'as doce dentratas d'a ciudat (bi'n heba cuatre de romanas y ueito de medievals). Huei se troba aislata en o Paseyo María Agostín y son muito visibles os sinyals d'a batalla.
Historia En 1656 a puerta d'o Carmen substituyó a la puerta de Baltax. Estió reedificada y se deciba d'el Carmen por estar cerca d'o Convento d'o Carmen. Yera de rechola con o escudo d'a ciudat. En 1787 a puerta yera muita maltreita a causa d'as filtracions d'as conduccions de l'augua de riego d'os hortals cercanos asinas que se procedió a fer un espaldo parcial d'a mesma."Nuevas aportaciones al estudio de la Puerta del Carmen de Zaragoza (1787-1795)", Javier Martínez Molina, Artigrama n°24, 2009, p.448
A puerta actual estió construyida entre 1792 y 1795 seguntes o disenyo d'un alumno desconoixiu d'a Real Academia de Bellas Artes de San Luis.Cuartero, Raquel y Bolea, Chusé. "Antiguas puertas de Zaragoza". Institución Fernando el Católico. Zaragoza, 2013. , p.114
Mientres que los Seches de Zaragoza (1808-1809) os franceses topetoron con una fura resistencia local y estió escenario de cruentos combates que deixoron os suyos sinyals encara visibles.
0 5 de marzo de 1838 o cheneral carlista Cabañero intentó prener a ciudat a traviés d'ista puerta pero estió refusau per o pueblo zaragozano. Ista calendata ye remerada toz os anyos en a popular fiesta d'a "Cincomarzada".
En 1908 estió declarada Molimento Nacional.
O 23 de febrero de 1997 un autobús colisionó causando grieus esperfeutos y menazando con espaldar a puerta.https://elpais.com/diario/1997/02/24/cultura/856738808_850215.html
Referencias
Vinclos externos
Categoría:Biens d'Intrés Cultural d'a Comarca Central Carmen