Iste articlo ye sobre l'actual pueblo latino. Ta l'antigo pueblo chermanico se veiga longobardos
Os lombardos (en lombardo lumbardi, italiano lombardi) son os habitants de Lombardía, en a Plana Padana (Italia). Son de relichión catolica y tienen como lenguache tradicional o lombardo y como luenga escrita o italiano. En Sicilia bi ha una minoría lombarda de bels 65.000 individuos.
Etnonimo En aragonés medieval o etnonimo se documenta como lombardes u lombartes. D'atra man a forma lombardos ye muito minoritaria en os textos medievals aragoneses y navarros. A variant lombarts la trobamos en textos comercials d'o sieglo XV escritos en Zaragoza en un lenguache mixto aragonés y catalán seguntes o parrafo u linia on s'indican productos que os comerciants d'a Corona de Castiella compraban en ZaragozaJosé Ángel Sesma, Ángeles Líbano Zumalacárregui: Léxico comercial en Aragón (Siglo XV), Institución Fernando el Católico, 1982.:
A parola lombardo significa orichinario de Lombardía, referindo-se a Italia, por o menos a lo norte d'Italia. Lombard existiba como apellito y huei se troba castellanizato como Lombarte. Se piensa que este apellito s'introdució con a inmigración occitana.
Historia A denominación especifica de lombardos pa os habitants italianos d'as ciudaz d'a Plana Padana y as redolatas suyas encomenzó cuan l'emperador Frederico I Barbarroya destruyió Milán y las ciudaz s'organizoron en a Liga Lombarda, en contra de l'emperador y en alianza estratechica con o Papato y a Republica de Venecia.
A minoría lombarda de Sicilia se remonta a l'arribada de soldaus y colonos lombardos dende o norte d'Italia en o sieglo XI dimpués d'a conquiesta normanda d'esta isla por as tropas d'o conte Roger d'Hauteville.
Referencias
Bibliografía Felipe Fernández-Armesto: Los hijos de Zeus. Pueblos, etnias y culturas de Europa. 1996 Grijalbo.
Categoría:Pueblos latinos Categoría:Etnias d'Italia